Taittirīya Āraṇyaka 6.11
Taittirīyāraṇyaka (complete text) 6.11
- Language
- Sanskrit
6.11
aghamaghaṃ catvāri ca ||
6.11.p1
27 apaśyāma yuvatimācarantīṃ mṛtāya jīvāṃ pariṇīyamānām | andhena yā tamasā prāvṛtā'si prācīmavācīmavayannariṣṭyai | mayaitāṃ māgstāṃ bhriyamāṇā devī satī pitṛlokaṃ yadaiṣi | viśvavārā nabhasā saṃvyayantyubhau no lokau payasā''vṛṇīhi | rayiṣṭhāmagniṃ madhumantamūrmiṇamūrjassantaṃ tvā payasopasaṃsadema | saṃ rayyā samu varcasā sacasvā nassvastaye | ye jīvā ye ca mṛtā ye jātā ye ca jantyāḥ | tebhyo ghṛtasya dhārayituṃ madhudhārā vyundatī | mātā rudrāṇāṃ duhitā vasūnāg svasā''dityānāmamṛtasya nābhiḥ | pra ṇu vocaṃ cikituṣe janāya mā gāmanāgāmaditiṃ vadhiṣṭa | pibatūdakaṃ tṛṇānyattu |
omuthsṛjata ||