Taittirīya Āraṇyaka 6.2.p1
Taittirīyāraṇyaka (complete text) 6.2.p1
- Language
- Sanskrit
6.2.p1
6 pra ketunā bṛhatā bhātyagnirāvirviśvāni vṛṣabho roravīti | divaścidantādupa māmudānaḍapāmupasthe mahiṣo vavardha |
idaṃ ta ekaṃ para ū ta ekaṃ tṛtīyena jyotiṣā saṃviśasva |
saṃveśanastanuvai cāruredhi priyo devānāṃ parame sadhasthe |
nāke suparṇamupa yatpatantaṃ hṛdā venanto abhyacakṣata tvā |
hiraṇyapakṣaṃ varuṇasya dūtaṃ yamasya yonau śakunaṃ bhuraṇyum |
atidrava sārameyau śvānau caturakṣau śabalau sādhunā pathā | athā pitṝnthsuvidatrāṃ apīhi yamena ye sadhamādaṃ madanti | yau te śvānau yama rakṣitārau caturakṣau pathirakṣī nṛcakṣasā | tābhyāṃ rājanparidehyena2ṃ svasti cāsmā anamīvaṃ ca dhehi ||