Taittirīya Āraṇyaka 6.8
Taittirīyāraṇyaka (complete text) 6.8
- Language
- Sanskrit
6.8
apūpavānasau daśa ||
6.8.p1
21 etāste svadhā amṛtāḥ karomi yāste dhānāḥ parikirāmyatra | tāste yamaḥ pitṛbhissaṃvidāno'tra dhenūḥ kāmadughāḥ karotu |
tvāmarjunauṣadhīnāṃ payo brahmāṇa idviduḥ | tāsāṃ tvā madhyādādade carubhyo apidhātave | dūrvāṇāg stambamāharaitāṃ priyatamāṃ mama |
imāṃ diśaṃ manuṣyāṇāṃ bhūyiṣṭhā'nu virohatu | kāśānāg stambamāhara rakṣasāmapahatyai | ya etasyai diśaḥ parābhavannaghāyavo yathā te nābhavānpunaḥ | darbhāṇāg stambamāhara pitṛṇāmoṣadhīṃ priyām |
anvasyai mūlaṃ jīvādanu kāṇḍamatho phalam ||
6.8.p2
22 lokaṃ pṛṇa tā asya sūdadohasaḥ | śaṃ vātaḥ śaṃ hite ghṛṇiḥ śamu te santvoṣadhīḥ | kalpantāṃ te diśassarvāḥ | idameva meto'parāmārtimārāma kāṃcana | tathā tadaśvibhyāṃ kṛtaṃ mitreṇa varuṇena ca | varaṇo vārayādidaṃ devo vanaspatiḥ | ārtyai nirṛtyai dveṣācca vanaspatiḥ | vidhṛtirasi vidhārayāsmadaghā dveṣāṃsi śami śamayāsmadaghā dveṣāṃsi yava yavayāsmadaghā dveṣāṃsi | pṛthivīṃ gacchāntarikṣaṃ gaccha divaṃ gaccha diśo gaccha suvargaccha suvargaccha diśo gaccha divaṃ gacchāntarikṣaṃ gaccha pṛthivīṃ gacchāpo vā gaccha yadi tatra te hitamoṣadhīṣu pratitiṣṭhā śarīraiḥ | aśmanvatī revatīryadvai devasya savituḥ pavitraṃ yā rāṣṭrātpannādudvayaṃ tamasaspari dhātā punātu ||
Linked texts (1)
- Āgniveśyagṛhyasūtra — Agniveśa, Sanskrit