Taittirīya Āraṇyaka 1.2
Taittirīyāraṇyaka 1.2
- Language
- Sanskrit
1.2.P1-M4
smṛ́tiḥ pratyákṣam aitihyā̀m / ánumānaś catuṣṭayám /
etáir ā́dityamaṇḍalam / sárvair eva vídhāsyate /
sū́ryo márīcīm ā́datte / sárvásmād bhúvanād adhí /
tásyā́ḥ pā́káviśeṣeṇá / smṛtáṃ kālaviśéṣaṇam /
nadī́va prábhavāt kā cít / akṣáyyāt syandaté yathā // P1 = M4 //
1.2.P2-M5
tā́ṃ nádyó 'bhí samāyantí / sorúḥ sátī na nivártate /
eváṃ nānā́samutthānā́ḥ / kālā́ḥ saṃvatsaráṁ śritā́ḥ /
áṇúśáś ca mahaśaś cá / sárve samavayánTRi tam /
sá t@áiḥ sarv@áiḥ samāviṣṭaḥ / urúḥ sán na nivártate /
ádhí sáṃvátsaraṃ vidyā́t / tád éva lakṣaṇé // P2 = M5 //
1.2.P3-M6
áṇúbhíś cá mahadbhiś ca / samā́rūḍhaḥ pradṛ́śyate /
sáṃvátsáráḥ pratyakṣeṇá nādhísattvaḥ pradṛ́śyate /
paṭáro víklidhaḥ piṅgáḥ / etád varuṇalákṣaṇam /
yátráitad upadṛ́śyate / sahásraṃ tatra nī́yate /
ékáṁ hí śíró nāmā mukhé / kṛtsnáṃ tad ṛtulákṣaṇam // P3 = M6 //
1.2.P4-M7
úbháyátáḥ sáptendriyāṇí / jalpítaṃ tv eva díhyate /
śúklákṛ́ṣṇé sáṃvatsarasyá / dákṣíṇávā́mayoḥ pārśváyóḥ /
tásyaiṣā́ bhávati /
ṣukráṃ te anyád yajatáṃ te anyát / víṣurūpe áhanī gháur ivāsi /
víśvā hí māyā́ ávasi svadhāvaḥ / bhadrā́ te pūṣann ihá rātír astv íti /
nā́tra bhúvavam / ná pūṣā́ / ná paśávaḥ / nā́dítyáḥ sáṃvátsárá évá prátyákṣéṇá príyátámaṃ vidyā́t / étád vái sáṃvátsárásyá príyátamaṁ rūpám / yó 'syá máhā́n árthá útpátsyámāno bhaváti / ídáṃ púṇyáṃ kuruṣvetí / tám ā́háraṃ dadyā́t // P4 = [M7] //
yathā lakṣaṇá ṛtulákṣaṇaṃ bhúvanaṁ saptá ca -- 2 ---
Commentaries (2)
- Taittirīyāraṇyakabhāṣya (Sāyaṇa) — Sāyaṇa, Sanskrit
- Vedārthaprakāśa — Sāyaṇa alias Mādhava, Sanskrit
Linked texts (2)
- Taittirīyāruṇa — Sanskrit
- Cittiprapāṭhaka — Sanskrit