Taittiriyaruna 36.1-2

36.1-2

puro̱vasu̍ḥ, hvīḍiṣātām̐, supa̱rṇāḥ || anu020
atha ekaviṃśo'nuvākaḥ
(1)bhūrbhuva̱ḥ suva̍ḥ | mayi̱ tyadi̍ndri̱yaṃ maha̍t | mayi̱ dakṣo̱
mayi̱ kratu̍ḥ | mayi̍ dhāyi su̱vīrya̍m | citru̍ggha̱rmo vibhā̍tu me
ākū̍tyā mana̍sā saha̱ | virājā̱ jyoti̍ṣā saha | ya̱jñena̱
paya̍sā saha | brahma̍ṇā teja̍sā saha | kṣa̱treṇa̱ yaśa̍sā saha
sa̱tyena̱ tapa̍sā saha | tasya̍ doha̍maśīmahi | tasya̍ su̱mnama̍śīmahi | tasya̍ bha̱kṣama̍śīmahi | tasya̍ ta̱ indre̍ṇa
pī̱tasya̱ madhu̍mataḥ | upa̍hūta̱syopa̍hūto bhakṣayāmi̍1)