Brāhmaṇa of portents 2.1

2.1

sa pṛthivīmanvāvarttate'tha yadāsya pṛthivī taṭati sphuṭati kūjati kampati
jvalati rudati dhūmāyatyakasmātsalilamudgirati plavannimajjati nimagnamutplavatyakāle ca puṣpaphalamabhinivarttatītyaśvatarīgarbhī jñāyate yadā majjati hastino [bhūkampo jñāyate prāsādaṃ bhinatti yatra tatra rājñā vinaśyati] gaurgehamāroheddāmamahiṣītyevamādīni tānyetāni sarvāṇyagnidaivatyānyadbhutāni prāyaathāto'dbhūtānāṃ karmaṇām̐ śāṃtiṃ vyākhyāsyāmaḥ | pālāśyānām̐ samidhāmaṣṭasahasraṃ juhuyādindrayāmyavāruṇādhānadāgneyavāyavyasaumyavaiṣṇavyetyaṣṭāvindrāyendo marutvate (sāma॰ 1. 372) nāke suparṇamupa yatpatantaṃ (1. 320) ghṛtavatī bhuvanānāmabhiśriyā (1. 378) -bhi tyaṃ devam̐ savitāramoṇyo (1. 364) - ragniṃ dūtaṃ vṛṇīmahe (1. 3) vāta āvātu bheṣajam̐ (1. 184) somam̐ rājānaṃ varuṇa (1. 91)
-midaṃ viṣṇurvicakrame (1. 222) ' ityetāni sāmaprabhṛtyaṣṭaśataṃ japitvā svasti
vācayitvā svasti haiṣāṃ bhavati svastidā viśaspatiḥ (ṛk॰ 10. 152. 2)
svastyayanaṃ tārkṣyamariṣṭanemiṃ (ṛk॰ 5. 51. 16) tyamū ṣu vājinaṃ devajūtaṃ (1. 132)
-māyurviśvāyuḥ (ṛk॰ 10. 17. 4) śataṃ jīva śarado vardhamāna (ṛk॰ 10. 161. 4)
ityetaiḥ saṃbhārāṇāmupasthānaṃ kṛtvā svasti vācayitvā svasti hvāsya bhavati
svasti hvāsya bhavati