Aitareyabrahmana 7.16

7.16

tasya ha Viśvāmitro hotāsīj, Jamadagnir adhvaryur,
Vasiṣṭho brahmāyāsya udgātā.
tasmā upākṛtāya niyoktāraṃ na vividuḥ.
sa hovācājīgartaḥ Sauyavasir:
mahyam aparaṃ śataṃ dattāham enaṃ niyokṣyāmīti.
tasmā aparaṃ śataṃ dadus, taṃ sa niyuyoja
tasmā upākṛtāya niyuktāyāprītāyā paryagnikṛtāya viśasitāraṃ na vividuḥ.
sa hovācājīgartaḥ Sauyavasir:
mahyam aparaṃ śataṃ dattāham enaṃ viśasiṣyāmīti.
tasmā aparaṃ śataṃ daduḥ,
so 'siṃ niḥśyāna eyāyā+tha ha Śunaḥśepa īkṣāṃ cakre:
'mānuṣam iva vai mā viśasiṣyanti, hantāhaṃ devatā upadhāvānīti.
sa Prajāpatim eva prathamaṃ devatānām upasāsara:
kasya nūnaṃ katamasyāmṛtānām ity etayarcā
tam Prajāpatir uvācāgnir vai devānāṃ nediṣṭhas, tam evopadhāveti.
so 'gnim upasasārāgner vayam prathamasyāmṛtānām iti etayarcā
tam Agnir uvāca:
Savitā vai prasavānām īśe, tam evopadhāveti.
sa Savitāram upasasārābhi tvā deva savitar ity etena tṛcena
taṃ Savitovāca:
Varuṇāya vai rājñe niyukto 'si, tam evopadhāveti.
sa Varuṇaṃ rājānam upasasārāta uttarābhir ekatriṃśatā
taṃ Varuṇa uvācāgnir vai devānām mukhaṃ suhṛdayatamas,
taṃ nu stuhy atha tvotsrakṣyāma iti.
so 'gniṃ tuṣṭāvāta uttarābhir dvāviṃśatyā
tam Agnir uvāca:
Viśvān nu devān stuhy, atha tvotsrakṣyāma iti.
sa Viśvān devāṃs tuṣṭāva:
namo mahadbhyo namo arbhakebhya ity etayarcā
taṃ Viśve devā ūcur:
Indro vai devānām ojiṣṭho baliṣṭhaḥ sahiṣṭhaḥ sattamaḥ pārayiṣṇutamas,
taṃ nu stuhy, atha tvotsrakṣyāma iti.
sa Indraṃ tuṣṭāva.
yac cid dhi satya somapā iti caitena sūktenottarasya ca pañcadaśabhis
tasmā Indraḥ stūyamānaḥ prīto manasā hiraṇyarathaṃ dadau.
tam etayā pratīyāya:
śaśvad indra iti
tam Indra uvācāśvinau no stuhy, atha tvotsrakṣyāma iti.
so 'śvinau tuṣṭāvāta uttareṇa tṛcena
tam Aśvinā ucatur:
Uṣasaṃ nu stuhy, atha tvotsrakṣyāma iti.
sa Uṣasaṃ tuṣṭāvāta uttarena tṛcena
tasya ha smarcy-ṛcy uktāyāṃ vi pāśo mumuce,
kanīya Aikṣvākasyodaram bhavaty;
uttamasyām evarcy uktāyāṃ vi pāśo mumuce, 'gada Aikṣvāka āsa

vii. 16 (xxxiii. 4). For him Viçvāmitra was the Hotṛ, Jamadagni the Adhvaryu, Vasiṣṭha the Brahman, and Ayāsya the Udgātṛ. When he had been brought up they could not find one to bind him; Ajīgarta Sauyavasi said ‘Give me another hundred, and I shall bind him.’ They gave him another hundred; he bound him. When he had been brought up, bound, and the Āprī verses had been said over and fire carried round him, they could not find one to slaughter him; Ajīgarta Sauyavasi said ‘Give me another hundred, and I shall slaughter him.’ They gave him another hundred and he whetting his knife went forward. Then Çunaḥçepa