Aitareyabrahmana 8.4

8.4

aikāhikā hotrā.
etā vai śāntāḥ kḷptāḥ pratiṣṭhitā hotrā yad aikāhikāḥ,
śāntyai kḷptyai pratiṣṭhityā apracyutyai.
tāḥ sarvarūpā bhavanti sarvasamṛddhāḥ, sarvarūpatāyai sarvasamṛddhyai:
sarvarūpābhir hotrābhiḥ sarvasamṛddhābhiḥ sarvān kāmān avāpnavāmeti.
tasmād yatra kvacaikāhā asarvastomā asarvapṛṣṭhā,
aikāhikā eva tatra hotrāḥ syus.
tat samṛddham
ukthya evāyam pañcadaśaḥ syād, ity āhur.
ojo vā indriyaṃ vīryam pañcadaśa, ojaḥ kṣatraṃ vīryaṃ rājanyas,
tad enam ojasā kṣatreṇa vīryeṇa samardhayati
tasya triṃśat stutaśastrāṇi bhavanti.
triṃśadakṣarā vai virāḍ, virāḍ annādyaṃ,
virājy evainaṃ tad annādye pratiṣṭhāpayati.
tasmāt tadukthyaḥ pañcadaśaḥ syād, ity āhur
jyotiṣṭoma evāgniṣṭomaḥ syād
brahma vai stomānāṃ trivṛt kṣatram pañcadaśo,
brahma khalu vai kṣatrāt pūrvam:
brahmapurastān na ugraṃ rāṣṭram avyathyam asad iti.
viśaḥ saptadaśaḥ śaudro varṇa ekaviṃśo,
viśaṃ caivāsmai tac chaudraṃ ca varṇam anuvartmānau kurvanty.
atho tejo vai stomānāṃ trivṛd vīryam pañcadaśaḥ prajātiḥ saptadaśaḥ
pratiṣṭhaikaviṃśas, tad enaṃ tejasā vīryeṇa prajātyā
pratiṣṭhayāntataḥ samardhayati.
tasmāj jyotiṣṭomaḥ syāt
tasya caturviṃśatiḥ stutaśastrāṇi bhavanti.
caturviṃsatyardhamāso vai saṃvatsaraḥ, saṃvatsare kṛtsnam annādyaṃ,
kṛtsna evainaṃ tad annādye pratiṣṭhāpayati.
tasmāj jyotiṣṭoma evāgniṣṭomaḥ syād agniṣṭomaḥ syāt

viii. 4 (xxxvi. 4). The Hotṛ offices are taken from the one day (rite); the Hotṛ offices as taken from the one day (rite) are appeased, well ordained, and supported; (they serve) for expiation, arrangement, support, and to prevent falling away. These are of all forms, all perfect (and serve) to secure all forms, all perfection; (they think) ‘With the Hotṛ offices of all forms, all perfect, let us obtain all desires.’ Therefore, whenever the one day (rites) have not all the Stomas and the Pṛṣṭhas, the Hotṛ offices of the one day (rite) should be used; that is perfect. ‘This should be a fifteenfold Ukthya’ they say; ‘the Pañcadaça (Stoma) is might, power, and strength; the Rājanya is might, the lordly power, and strength; thus he makes him prosper with might, the lordly power, and strength. It has thirty Stotras and Çastras; the Virāj has thirty syllables; proper food is the Virāj; verily thus he establishes him in the Virāj as proper food. Therefore should it be a fifteenfold Ukthya’ they say. It should be a Jyotiṣṭoma of the Agniṣṭoma form. The Trivṛt of Stomas is the holy power, the Pañcadaça the lordly power; the holy power is prior to the lordly power; (it is his wish) ‘May my sway with the holy power in front be dread and unassailable.’ The Saptadaça is the people, the Ekaviñça the Çūdra class; verily thus they make the people and the Çūdra class obedient to him. Moreover the Trivṛt of Stomas is brilliance, the Pañcadaça strength, the Saptadaça generation, the Ekaviñça support; thus he makes him prosper with brilliance, strength, generation, and support at the end. Therefore it should be a Jyotiṣṭoma. It has twenty-four Stotras and Çastras; the year has twenty-four half months; in the year is all proper food; verily thus he establishes him in all proper food. Therefore it should be a Jyotiṣṭoma of the Agniṣṭoma form.