Pramāṇa · Search · About · API

Ashvamedhabhashya 2

Aśvamedhabhāṣya 2

Language
Sanskrit

2.2

da̱dhāti̱ rundhe̱ darbhā aṃbhavadvṛṣaṭṭhe

2.7

'yo vai brahma̍ṇe de̱vebhya̍ḥ pra̱jāpa̍taye'pra̍tiprocyāśvaṃ medhya̍ṃ badhnāti̍ | ā de̱vatā̍bhyo vṛścyate | pāpī̍yānbhavati | yaḥ prati̱procya̍ | na de̱vatā̍bhya̱ ā
vṛ̍ścyate | vasī̍yānbhavati | yadāha̍ | brahma̱nnaśva̍ṃ medhya̍ṃ
bhantsyāmi̍ de̱vebhya̍ḥ pra̱jāpa̍taye̱ tena̍ rādhyāsa̱miti̍
brahma̱ vai brahmā̍ | brahma̍ṇa e̱va de̱vebhya̍ḥ pra̱jāpa̍taye
prati̱procyāśva̍ṃ me̱dhya̍ṃ badhnāti

2.8

na de̱vatā̍bhya̱ ā
vṛ̍ścyate | vasī̍yānbhavati | deva̱sya̍ tvā savi̱tuḥ
pra̍sa̱va iti̍ ra̱śanāmāda̍tte prasū̍tyai | a̱śvinoᳵrbā̱hubhyāmityā̍ha | a̱śvinau̱ hi de̱vānā̍madhva̱ryū āstā̍m | pū̱ṣṇo hastā̍bhyā̱mityā̍ha̱ yatyai̍ | ³vyṛ̍ddha̱ṃ vā
e̱tadya̱jñasya̍ | yada̍yaju̱ṣkeṇa kri̱yatai̍ | i̱māma̍gṛbhṇanraśa̱nāmṛ̱tasyetya̍dhi̱vada̍ti yaju̍ṣkṛtyai | ya̱jñasya̱ samṛ̍ddhyai

2.9

⁴tadā̍huḥ | dvāda̍śāratnī raśa̱nā karta̱vyā 3 trayo̍daśāra̱tnī 3 riti̍ | ṛ̱ṣa̱bho vā e̱ṣa ṛ̍tū̱nām | yatsaṃvathsa̱raḥ | tasya̍ trayoda̱śo māso̍
vi̱ṣṭapa̍ṃ | ṛ̱ṣabha e̱ṣa ya̱jñānā̍m | yada̍śvame̱dhaḥ
yathā̱ vā ṛ̍ṣa̱bhasya̍ vi̱ṣṭapa̍m | e̱vame̱tasya̍ vi̱ṣṭapa̍m
trayoda̱śamara̍tnim̐ raśa̱nāyā̱ṃmupā̍da̱dhāti̍

2.10

yatha̍rṛṣa̱bhasya̍ vi̱ṣṭapam̐̍ sa̱m̐skaroti̍ | tā̱dṛge̱va tat
pūrva̱ āyu̍ṣi vi̱dathe̍ṣu ka̱vyetyā̍ha | āyu̍re̱vāsmi̱ndadhāti | tayā̍ de̱vāssru̱tamāba̍bhūvu̱rityā̍ha | bhūti̍me̱vopāva̍rtate | ṛ̱tasya̱ sārmantsa̱ramā̍ra̱pantītyā̍ha
sa̱tyaṃ vā ṛ̱tam | sa̱tyenai̱vaina̍mṛ̱tenā̍ra̍bhate | ⁵a̱bhidhā a̱sītyā̍ha

2.11

tasmā̍da̱śvame̍dhayā̱jī sarvā̍ṇi bhū̱tānya̱bhibha̍vati | bhuva̍ṃnama̱sītyā̍ha | bhū̱māna̍me̱vopai̍ti | ya̱ntā'sītyā̍ha | ya̱ntāra̍me̱vaina̍ṃ karoti
dhṛ̱rtā'sītyā̍ha | dhṛ̱rtāra̍me̱vaina̍ṃ karoti | so'̱gniṃ vai̍śvāna̱ramityā̍ha | a̱gnāve̱vaina̍ṃ vaiśvāna̱re ju̍hoti
sapra̍tha̱samityā̍ha

2.12

pra̱jayai̱vaina̍ṃ pa̱śubhi̍: prathayati | svāhā̍kṛ̱ta ityā̍ha | homa̍ṃ e̱vāsyai̱ṣaḥ | pṛ̱ṣṭhi̱ṭhyāmi̱tyā̍ha | a̱syāme̱vaina̍ṃ prati̱ṣṭhāpa̍yati | ya̱ntā rā̍jya̱ntā̍'si̱ yama̍no dha̱rtā'si̱ dharu̍ṇa̱ ityā̍ha
rū̱pame̱vāsyai̱tanma̍hi̱māna̍ṃ vyāca̍ṣṭe | ⁶kṛ̱ṣyai tvā kṣemā̍ya tvā ra̱yyai tvā poṣā̍ya tvetyā̍ha | ā̱śiṣa̍me̱vaitāmāśā̍ste | ⁷sva̱gā tvā̍ de̱vebhya̱ ityā̍ha | de̱vebhya̍
e̱vaina̍m̐ sva̱gā ka̍roti | svāhā̍ tvā pra̱jāpa̍taya̱
ityā̍ha | prā̱jā̱pa̱tyo vā aśva̍: | yasyai̍va de̱vatā̍yā̱ āla̍bhyatè̍ | tayai̱vaina̍m̐ sama̍rdhayati

2.3

ba̱dhnāti̱ samṛ̍ddhyai̱ upāda̍dhātya̱sītyā̍ha̱ sapra̍thasa̱mityā̍ha de̱vebhya̱ ityā̍ha̱ paśca̍ ca

2.13

'yaḥ pi̱tura̍nujāyāḥ pu̱traḥ | sa pu̱rastā̍nnayati
yo mā̱tura̍nujāyāḥ pu̱traḥ | sa pa̱ścānna̍yati | viṣvaṃśca̍me̱vāsmā̍tpā̱pmāna̍ṃ vivṛ̍hataḥ | yo arva̍nta̱ṃ jighāṃ2sati̱ tama̱bhya̍mīti̱ varu̍ṇa̱ iti̱ śvāna̍ṃ catura̱kṣaṃ
prasau̍ti | pu̱ro martaiḥ pu̱raśveti̱ śuna̍ścatura̱kṣasya̱ praha̍nti | śvaive vai pā̱pmā bhrātṛ̍vyaḥ | pā̱pmāna̍me̱vāsya̱ bhrātṛ̍vyaꣲ hanti | ²sai̱dhra̱kaṃ musa̍laṃ bhavati

2.14

karma̍ karmaivāsmai̍ sādhayati | paum̐ścale̱yo ha̍nti
pum̐śca̱lvāṃ vai de̱vā꣪śuca̱ṃ nya̍dadhuḥ | śu̱caivā̱sya̱ śuca̍ꣲ hanti | ³pā̱pmā vā e̱tarmīpsa̱tītyā̍huḥ
yo'śva̍me̱dhena̱ yaja̍ta̱ iti̍ | aśva̍syādhaspa̱damupa̍āsyati | va̱jro vā aśva̍ḥ prājāpa̱tyaḥ | vajre̍ṇaiva
pā̱pmāna̱ṃ bhrātṛ̍vya̱mava̍krāmati | ^4da̱kṣiṇā̍'pa̍plāvayati

2.15

pā̱pmāna̍me̱vāsmā̱cchama̍lamapa̍ṃ plāvayati | ^5ai̱ṣī̱ka u̍ddū̱ho bha̍vati | āyu̱rvā i̱ṣīkā̍ :
āyu̍re̱vāsmi̍ndadhāti | a̱mṛta̱ṃ vā i̱ṣīkā̍ : | a̱mṛtaṃme̱vāsmi̍ndadhāti | ve̱ta̱sa̱śā̱kho̱pasa̍ṃbaddhā bhavati
a̱psu̱yoni̱rvā aśva̍: | a̱psu̱jo ve̱ta̱saḥ | svāde̱vaina̱ṃ yone̱rnirmi̍mīte | pu̱rastā̍tpratyañca̍ma̱bhyudd̍hati
pura̱stā̍dde̱vāsmi̍npra̱tīcya̱mṛta̍ṃ dadhāti | 'a̱haṃ ca̱ tvaṃ
ca̍ vṛtraha̱nniti̍ bra̱hmā yaja̍mānasya̱ hasta̍ṃ gṛ̱hṇāti̍
bra̱hma̱kṣa̱tre e̱va saṃda̍dhāti | a̱bhikratvendū̱ bhūra̍dha̱ jmannitya̍dhva̱ryuryaja̍mānaṃ vācayatya̱bhija̍ityai

2.4

bhava̍ti̱ plāva̍yati̱ mimī̍te̱ paśca̍ ca̱

2.16

'ca̱tvāra̍ ṛ̱tvija̱ssamu̍kṣanti | ā̱bhya e̱vaina̍ṃ
ca̱tasṛ̍bhyo̱ digbhyo'bhi samara̍yanti | 'śa̱tena̍ṃ rājapu̱traissa̱hādhva̱ryuḥ | pu̱rastā̍tpratya̱ṅṅiṣṭha̱nprokṣa̍ti
a̱nenāśvena medhye̍ne̱ṣṭvā | a̱yagṃ rājā̍ vṛ̱traṃ va̍dhyāditi̍ | rā̱jyaṃ vā a̍dhva̱ryuḥ | kṣa̱tragṃ rā̍japu̱traḥ | rājye̍nai̱vāsminkṣatraṃ da̍dhāti | śa̱tenā̍rā̱jabhi̍ru̱graissa̱ha
brahmā

2.17

da̱kṣiṇa̱ta udā̱ṅṅiṣṭha̱nprokṣa̍ti | ane̍nāśve̍na me̱dhye̍ne̱ṣṭvā | a̱yagṃ rājā̍'pratidhṛ̱ṣyo̍'stviti̍ | bala̱ṃ vai brahmā̍ | ba̱lama̍rā̱jo̱graḥ | bale̍naivā̱sminbala̍ṃ dadhāti | ⁴śa̱tena̍ṃ sūtagrā̱ma̱ṇibhi̍ssa̱ha
hotā̍ | pa̱ścātprāṅti̍ṣṭha̱nprokṣa̍ti | ane̱nāśve̍na medhye̍ne̱ṣṭvā | aya̍ 5 rā̱jñā'syai̱ viśa̍ḥ

2.18

ba̱hu̱gvai
ba̍hu̱śvāyai̍ bahvajā̱vikā̍yai | ba̱hu̱vrī̱hiya̍vāyai bahumāṣati̱lāyai̍ | ba̱huhi̍raṇyāyai bahuha̱stiṃkā̍yai | ba̱hu̱dāsa̍pūru̱ṣāyai̍ rayi̱matyai̍ puṣṭima̱tyai | ba̱hu̱rāya̱spoṣā̍yai
rā̱jñā'stviti̍ | bhū̱mā vai hotā̍ | bhū̱mā sū̍tagrā̱ma̱ṇya̍: | bhū̱mnaivā̍sminbhū̱māna̍ṃ dadhāti | ⁵śa̱tena̍ṃ kṣattasaṃgrahī̱tṛbhi̍ssa̱hodgātā̍ | u̱ttara̍to dakṣiṇā tiṣṭha̍nprokṣa̍ti

2.19

ane̱nāśve̍na̱ medhye̍ne̱ṣṭvā | aya̍ 5
rājñā sarva̱māyu̍retvati̍ | āyu̱rvā u̍dgātā | āyu̍ḥ
kṣattasaṃgrahītāra̍ḥ | āyu̍re̱vāsmi̱nnāyu̍rdadhāti
śa̱taḥ śata̍ṃ bhavanti | śa̱tāyu̍ḥ puru̍ṣaśśa̱tendri̍yaḥ
āyu̍ṣye̱vendri̍ye prati̍tiṣṭhati | ⁶catu̍śśatā bha̍vanti
cata̍sro diśa̍ḥ | dikṣve̍va prati̍ tiṣṭhati

2.5

brahmā viśa̍ ukṣati̱ diśa̱ ekai̍ ca

2.20

¹yathā̱ vai ha̱viṣo̍ gṛhī̱tasya̍ skanda̍ti | e̱vaṃ vā
e̱tadaśva̍sya skandati | yanni̱ktamanā̍labdha̱mutsṛ̱ja¹yathā vā ityādi || gṛhītasya haviṣa iva aśvasya
skandasthānīyamidaṃ yat niktaṃ snānaśodhitaṃ anālabdhaṃ asaṃjñaptaṃ
utsṛjanti | tasmāt etaddoṣaparihārāya aśvasya stokān vipruṣaḥ
anumantrayamāṇāḥ stokyāḥ 'agnaye svāhā somāya svāhā'
nti | yathstokyāṃ anvāha̍ | sarva̍hutame̱vaina̍ karotyaska̍ndāya | aska̍nna̱ hi tat | yahu̱tasya̱ skanda̍ti
²sahasra̱manvā̍ha | sa̱hasra̍saṃmitassuva̱rgo lo̱kaḥ | su̱varga̍syai̱ lo̱kasyā̱bhiji̍tyai

2.21

³yatpari̍mitā anu̱
brū̱yāt | pari̍mitamava̍ rundhīta | apa̍rimitā anvā̍ha | apa̍rimitassuva̱rgo lo̱kaḥ | su̱varga̍syai lo̱kasya̱ sama̍ṣṭyai | ⁴stokyā̍ṃ juhoti | yā e̱va va̱rṣyā
āpa̍ḥ | tā ava̍rundhe | ⁵a̱syāṃ ju̍hoti | i̱yaṃ vā
a̱gnirvai̍śvāna̱raḥ

2.22

a̱syāme̱vainā̱ḥ prati̍ṣṭhāpayati | u̱vāca̍ ha pra̱jāpa̍tiḥ | sto̱kyā̍su vā a̱hama̍śvame̱dham̐ sam̐sthā̍payāmi | tena̱ tatsam̐sthi̍tena
carāmīti̍ | a̱gnaye̱ svāhetyā̍ha | a̱gnaya̍ e̱vaina̍ṃ
juhoti | somā̍ya̱ svāhetyā̍ha | somā̍yai̱vaina̍ṃ
juhoti | sa̱vi̱tre svāhetyā̍ha | sa̱vi̱tra e̱vaina̍ṃ juhoti

2.23

sara̍svatyai̱ svāhetyā̍ha | sara̍svatyā
e̱vaina̍ṃ juhoti | pū̱ṣṇe svāhetyā̍ha | pū̱ṣṇa e̱vaina̍ṃ
juhoti | bṛha̱spata̍ye̱ svāhetyā̍ha | bṛha̱spata̍ya e̱vaina̍ṃ
juhoti | a̱pāṃ modā̍ya̱ svāhetyā̍ha | a̱dbhya e̱vaina̍ṃ
juhoti | vā̱yave̱ svāhetyā̍ha | vā̱yava̍ e̱vaina̍ṃ juhoti

2.24

mi̱trāya̱ svāhetyā̍ha | mi̱trāyai̱vaina̍ṃ juhoti | varu̍ṇāya̱ svāhetyā̍ha | varu̍ṇāyai̱vaina̍ṃ juhoti
e̱tābhya̍ e̱vaina̍ṃ de̱vatā̍bhyo juhoti | ⁸daśa̍daśa sa̱ṃpādya̍
ju̱ho̱ti̱ | daśā̍kṣarā vi̱rāṭ | anna̍ṃ vi̱rāṭ | vi̱rājaivānnādya̱mava̍rundhe | ⁹pra vā e̱ṣo'smāllo̱kācca̍yavate̱
yaḥ parā̍cīrāhutīrju̱hoti̍ | punaḥpunara̱bhyāva̍rtaṃ juhoti | a̱sminne̱va lo̱ke prati̍tiṣṭhati | ¹⁰e̱tāgṃ
ha̱ vāva so'śvame̱dhasya̍ sa̱gṃsthitimavā̍cāskandāya
aska̍nna̱g̱ṃ hi tat | yadya̱jñasya̍ sa̱gṃsthita̍sya̱ skanda̍ti

2.6

a̱bhiji̍tyai vaiśvāna̱rassa̍vi̱tra e̱vaina̍ṃ juhoti
vā̱yava̍ e̱vaina̍ṃ juhoti cyavate̱ ṣaṭke

2.25

'pra̱jāpa̍taye tvā juṣṭa̱ṃ prokṣā̱mīti̍ pu̱rastā̍tpratya̱ṅtiṣṭha̍nprokṣa̍ti | pra̱jāpa̍ti̱rvai de̱vānā̍ma̱nnādo̍ vī̱ryā̍vān | a̱nnādya̍me̱vāsminvī̱rya̍ṃ dadhāti | tasmā̱daśva̍ḥ
paśū̱nāma̍nnā̱do vī̱ryā̍vattamaḥ | 'indrā̱gnibhyā̍ṃ tveti̍
da̱kṣiṇa̱taḥ | indrā̱gnī vai de̱vānā̱moji̍ṣṭhau bali̍ṣṭhau
ojo̍ e̱vāsminbala̍ṃ dadhāti | tasmā̱daśva̍ḥ paśū̱nāmoji̍ṣṭho bali̍ṣṭhaḥ | ³vāyave̱ tveti̍ pa̱ścāt | vā̱yurve de̱vānā̍mā̱śussaṃsāri̍tamaḥ

2.26

java̍me̱vāsmindadhāti | tasmā̱daśva̍ḥ paśū̱nāmā̱śussaṃsāri̍tamaḥ
'viśve̍bhyastvā de̱vebhya̱ ityu̍ttara̱taḥ
viśve̱ vai de̱vā de̱vānā̱ṃ yaśa̍svitamāḥ | yaśa̍ e̱vāsmi̍ndadhāti | tasmā̱daśva̍: paśū̱nāṃ ya̍śa̱svita̍maḥ
⁵de̱vebhya̍stvetya̱dhastā̍t | de̱vā vai de̱vānā̍mapa̍citatamāḥ | apa̍citime̱vāsmi̍ndadhāti | tasmā̱daśva̍:
paśū̱nāmapa̍citatamaḥ

2.27

⁶sarve̍bhyastvā de̱vebhya̱
ityupa̍ri̱ṣṭāt | sarve̱ vai de̱vāstviṣi̍manto hara̱svina̍: | tviṣi̍me̱vāsmi̍n haro̍ dadhāti | tasmā̱daśva̍:
paśū̱nāṃ tviṣi̍mān hara̱svita̍maḥ | ⁷di̱ve tvā̱'ntari̍kṣāya tvā pṛthi̱vyai tvetyā̍ha | e̱bhya e̱vaina̍ṃ lo̱kebhya̍: prokṣa̍ti | sa̱te tvā̱'sa̍te tvā̱'dbhyastvauṣa̍dhībhyastvā̱ viśve̍bhyastvā bhū̱tebhya̱ ityā̍ha | tasmā̍daśvamedhayā̱jina̱ sarvā̍ṇi bhū̱tānyupa̍jīvanti | ⁸brahma̍vā̱dino̍ vadanti | yatprā̍jāpa̱tyo'śva̍: | atha̱ kasmā̍denama̱nyābhyo̍ de̱vatā̍bhyo̱'pi prokṣa̱tīti̍ | aśve̱ vai
sarvā̍ de̱vatā̍ a̱nvāryattāḥ | taṃ yadi̱śve̍bhyastvā bhū̱tebhya̱ iti̍ prokṣa̍ti | de̱vatā̍ e̱vāsmi̱nnanvā̱ryā̍tayati
tasmā̱daśve̱ sarvā̍ de̱vatā̍ a̱nvāryattāḥ

2.7-2

sā̱ra̱sā̱rita̱mopa̍citatamaḥ prājāpa̱tyo'śvaḥ pañca̍ ca

2.28

'yathā̱ vai ha̱viṣo̍ gṛ̱hīta̱sya skanda̍ti | e̱vaṃ vā
e̱tadaśva̍sya skandati | yatprokṣi̍ta̱manā̍labdha̱mutsṛ̍janti̍ | yada̍śvaca̱ritā̍ni ju̱hoti̍ | sa̱rva̱huta̍me̱vaina̍
karotyaska̍ndāya | aska̍nna̱ hi tat | yadhu̱tasya̍
skanda̍ti | ī̱ṅkārā̍ya̱ svāheṃkṛtāya̱ svāhetyā̍ha | e̱tāni̱ vā a̍śvaca̱ritāni̍ | ca̱ri̱taire̱vaina̱ṃ samardhayati

2.29

tadā̍huḥ | anā̍hutayo̱ vā a̍śvaca̱ritāni̍
naitā hota̍vyā̱ iti̍ | atho̱ khalvā̍huḥ | hota̍vyā
e̱va | atra̱ vāvaivaṃ vi̱dvāna̍śvame̱dham̐ sam̐sthā̍payati
yada̍śvaca̱ritā̍ni ju̱hoti̍ | tasmā̍ddhota̱vyā iti̍
³ba̱hirdhā vā e̍name̱tadāyata̍nāddadhāti | bhrātṛ̍vyamasmai
janayati

2.30

yasyā̍nāyata̱ne'nyatrā̍gnerāhutīrjuhoti̍ | sa̱āvi̱triyā i̱ṣṭyāḥ pu̱rastā̍tsviṣṭakṛ̱taḥ
ā̱ha̱va̱nīye̍'śvaca̱ritā̍ni juhoti | ā̱yata̍na e̱vāsyā̍hutīrjuhoti | nāsmai̱ bhrātṛ̍vyaṃ janayati
⁴tadā̍huḥ | ya̱jñamu̍khe yajñamukhe hota̱vyā̍ḥ | ya̱jñasya̍
klṛptyai̍ | su̱varga̍sya̍ lo̱kasyānu̍khyātyā̱ iti̍
⁵atho̱ khalvā̍huḥ

2.31

yadya̍jñamukhe yajñamukhe
juhuyāt | pa̱śubhi̱ryaja̍māna̱ṃ vya̍rdhayet | ava̍ su̱vargāllo̱kātpa̍dyeta | pāpī̍yāntsyā̱diti̍ | sa̱kṛde̱va hota̍ta̱vyā̍: | na yaja̍mānaṃ pa̱śubhi̱rvya̍rdhayati | a̱bhi
su̍va̱rgaṃ lo̱kaṃ ja̍yati | na pāpī̍yānbhavati | ⁶a̱ṣṭāca̍tvārigṃśatamaśvarū̱pāṇi̍ juhoti | a̱ṣṭāca̍tvārigṃśadakṣarā jaga̍tī | jā̱gato 'śva̍: prājāpa̱tyassamṛ̍ddhyai | ⁷eka̱mati̍riktaṃ juhoti | tasmā̱deka̍: pra̱jāsvardhu̍kaḥ

2.8-2

ardha̍yati ja̱naya̍ti khalvā̍hurjaga̍tī
trīṇi̍ ca

2.32

'vi̱bhūrmātrā pra̱bhūḥ pi̱tretyā̍ha | i̱yaṃ vai mā̱tā
a̱sau pi̱tā | ā̱bhyāme̱vaina̱ṃ pari̍dadāti | aśvo̍'si̱ hayo̍'sītyā̍ha | śā̱stye̱vaina̍me̱tat | tasmā̍cchi̱ṣṭāḥ pra̱jā jā̍yante | atyo̍'sītyā̍ha | tasmā̱daśva̱ssarvā̱npa̱śūnatye̍ti | tasmā̱daśva̱ssarvaiṣāṃ paśūnāg śreṣṭhya̍ṃ gacchati

2.33

praya̍śa̱śśraiṣṭhya̍māpnoti
ya e̱vaṃ veda̍ | naro̍'sya̱rvā̍'si̱ sapti̍rasi vā̱jya̍sītyā̍ha | rū̱pame̱vāsyai̱tanma̍hi̱māna̍ṃ vyāca̍ṣṭe | yayurnāmā̱sītyā̍ha | e̱tadvā aśva̍sya pri̱yaṃ nāma̍dheyam
pri̱yeṇai̱vaina̍ṃ nāma̍dheye̱nābhi̱vada̍ti | tasmā̍dapya̍mi̱trau
saṃgatya̍ | nāmnā̍ cedhvaye̍te | mi̱trame̱va bha̍vataḥ

2.35

ā̱di̱tyānā̱ṃ patvā̱'nvi̱hītyā̍ha | ā̱di̱tyāne̱vaina̍ṃ gamayati | ³a̱gnaye̱ svāhā̱ svāhendrā̱gnibhyā̱miti̍ pūrva̍ho̱māñju̍hoti | pūrvai̍ e̱va dviṣanta̱ṃ bhrātṛ̍vya̱mati̍krāmati | bhūra̍si̱ bhuve tvā̱ bhavyā̍ya tvā bhavi̱ṣyate̍
tvetyuthsṛ̍jati sarva̱tvāya̍ | 'de̱vā̍ āśāpālā e̱taṃ
de̱vebhyo'śva̍ṃ me̱dhāya̍ prokṣi̍taṃ gopāya̱tetyā̍ha | śa̱taṃ vai
talpyā̍ rājapu̱trā de̱vā ā̍śā̱pālāḥ | tebhya̍ e̱vaina̱ṃ
pari̍dadāti | ī̱śva̱ro vā aśva̍ḥ pramu̱ktaḥ parā̍ṃ parāvata̱ṃ ganto̍ḥ | i̱ha dhṛti̱rsvāhe̱ha vidhṛ̍ti̱rsvāhe̱ha ranti̱rsvāhe̱ha rama̍ti̱rsvāheti̍ cata̱sṛṣu̍ pa̱tsu ju̍hoti
34 || e̱tā vā aśva̍sya̱ bandha̍nam | tābhi̍re̱vaina̍ṃ badhnāti | tasmā̱daśva̍ḥ pramu̍kto bandha̍na̱māga̍cchati
tasmā̱daśva̍ḥ pramu̍kto bandha̍na̱ṃ na ja̍hāti | 6rā̱ṣṭraṃ vā
a̍śvame̱dhaḥ | rā̱ṣṭre khalu̱ vā e̱te vyāya̍cchante | ye'śva̍ṃ me̱dhyam̐ rakṣi̍nti | teṣā̱ṃ ya u̱dṛca̍ṃ ga̱cchanti̍
rāṣṭrā̍de̱va te rāṣṭraṃ ga̍cchanti | atha̱ ya u̍dṛca̱ṃ na gaccha̍nti

2.36

rāṣṭrā̍de̱va te vya̍vacchidyante | parā̱
vā e̱ṣa si̍ñcyate | yo̍'ba̱lo̍'śvame̱dhena̱ yaja̍te | 'yada̱mitrā̱ aśva̍ṃ vi̱ndera̱n | ha̱nyetā̍sya ya̱jñaḥ | ca̱tuśśa̱tā ra̍kṣanti | ya̱jñasyāghā̍tāya | athānyamā̍nī̱ya
prokṣeyu̍ḥ | saiva tata̱ḥ prāya̍ścittiḥ

2.9-2

ga̱cchati̱ bhavata̱ḥ pṛtsu juho̍ti̱ na
gaccha̍nti̱ nava̍ ca

2.37

'pra̱jāpa̍tirakāmayatāśvame̱dhena̍ yaje̱yeti̍ | sa tapo̍'tapyata | tasya̍ tepā̱nasya̍ | sa̱ptātmano̍ de̱vatā̱
uda̍krāman | sā dī̱kṣā'bha̍vat | sa e̱tāni̍ vaiśvade̱vānya̍paśyat | tānya̍juhot | tairvai sa dī̱kṣāmavā̍rundha | yadvai̍śvade̱vāni̍ ju̱hoti̍ | dī̱kṣāme̱va tairyaja̍māno̱'vaṃrundhe

2.38

sa̱pta ju̍hoti | sa̱pta hi tā
de̱vatā̍ udkrā̍man | a̱nvaha̍ṃ juhoti | a̱nva̱hame̱va
dī̱kṣāmava̍rundhe | trīṇi̍ vaiśvade̱vāni̍ ju̱hoti̍ | ca̱tvā̱ryaudgraha̱ṇāni̍ | sa̱pta saṃpa̍dyante | sa̱pta vai śī̍r‌ṣa̱ṇyā̍: prā̱ṇāḥ | prā̱ṇā dīkṣā̍ | prā̱ṇaire̱va prā̱ṇāndīkṣāmava̍rundhe

2.39

<sup 2</sup eka̍vim̐śa̱tiṃ vai̍śvade̱vāni̍
juhoti | eka̍vim̐śa̱tirvai de̍valo̱kāḥ | dvāda̍śa̱ māsāḥ pañcartava̍: | traya̍ i̱me lo̱kāḥ | a̱sāvā̍di̱tya
e̍kavi̱m̱̐śaḥ | e̱ṣa su̍va̱rgo lo̱kaḥ | taddaivya̱ṃ kṣatram̍
sā śrīḥ | tadbra̱dhnasya̍ vi̱ṣṭapa̍m | tadā̱svārā̍jyamucyate

2.40

³tri̱m̱̐śata̍maudgrahaṇā̱ni ju̍hoti | tri̱m̱̐śada̍kṣarā vi̱rāṭ | anna̱ṃ vi̱rāṭ | vi̱rājai̱vānnādya̱mava̍rundhe | ⁴tredhā vi̱bhajya̍ de̱vatā̍ juhoti | tryāvṛ̍to̱ vai de̱vāḥ | tryā̱vṛta̍ i̱me lo̱kāḥ | e̱ṣāṃ lo̱kānā̱māptyai̍ | e̱ṣāṃ lo̱kānā̱ṃ kḷptyai̍ | 5apa̱ vā
e̱tasmā̍tprā̱ṇāḥ krā̍manti

2.41

yo dī̱kṣāma̍tire̱caya̍ti | sa̱ptāhaṃ praca̍ṃranti | sa̱pta vai śī̍ṟṣaṇyā̍ḥ
prā̱ṇāḥ | prā̱ṇā dī̱kṣā | prā̱ṇaireva prā̱ṇāndī̱kṣāmava̍rundhe | 6pū̱rṇāhu̍timutta̱māṃ ju̍hoti | sarva̱ṃ vai pū̍rṇāhuti̍ḥ | sarva̍me̱vāpno̍ti | atho̍ i̱yaṃ vai pū̍rṇāhuti̍ḥ
a̱syāme̱va prati̍tiṣṭhati

2.10-2

ru̱ndhe prā̱ṇāndī̱kṣāmava̍rundha u̱cyate
krā̍manti tiṣṭhati

2.43

'pra̱jāpa̍tiraśvame̱dhamasṛjata | tam̐ sṛ̱ṣṭaṃ na kiñca̱nodya̍yacchat | taṃ vai̍śvade̱vānye̱vodya̍yacchan | yadvai̍śvade̱vāni̍ ju̱hoti̍ | ya̱jñasyodya̍tyai | svāhā̍''dhimādhī̍tāya̱ svāhā̍ | svāhā̍''dhī̱taṃ mana̍se̱ svāhā̍ | svāhā̱ mana̍: pra̱jāpa̍taye̱ svāhā̍ | kāya̱ svāhā̱ kasmai̱
svāhā̍ kata̱masmai̱ svāheti̍ prājāpa̱tye mu̍khye̍ bhavataḥ | pra̱jāpa̍timukhābhire̱vaina̍ṃ de̱vatā̍bhirudya̍cchate
42 || 'adi̍tyai̱ svāhā'di̍tyai ma̱hyai svāhā'di̍tyai
sumṛ̱ḍīkā̍yai̱ svāhetyā̍ha | i̱yaṃ vā adi̍tiḥ | a̱syā
e̱vaina̍ṃ prati̱ṣṭhāyodya̍cchate | 'sara̍svatyai̱ svāhā̱ sara̍sva̱tyai bṛ̍ha̱tyai svāhā̱ sara̍svatyai pāva̱kāyai̱ svāhetyā̍ha | vāgvai sara̍svatī | vā̱caivaiaina̍mudya̍cchate | pūṣṇe svāhā̍ pū̱ṣṇe pra̍pa̱thyā̍ya̱ svāhā̍ pū̱ṣṇe na̍randhiṣā̱ya svāhetyā̍ha | pa̱śavo̱ vai pū̱ṣā | pa̱śubhi̍re̱vaina̍mudya̍cchate | tvaṣṭre svāhā̱ tvaṣṭre̍ turīpā̍ya̱ svāhā̱
tvaṣṭre̍ pururūpāya̱ svāhetyā̍ha | tvaṣṭā̱ vai pa̍śū̱nāṃ mi̍thunānāgm̐ rūpa̱kṛt | rū̱pame̱va pa̱śuṣu̍ dadhāti | atho̍
rū̱paire̱vaina̍mudya̍cchate | viṣṇa̍ve̱ svāhā̱ viṣṇa̍ve nikhu̱rya̍pā̱ya̱ svāhā̱ viṣṇa̍ve nibhūya̱pāya̱ svāhetyā̍ha
ya̱jño vai viṣṇu̍ḥ | ya̱jñāyai̱vaina̍mudya̍cchate | pū̱rṇāhutimu̍tta̱māṃ ju̍hoti | pratyutta̍bdhyai sayatatvāya̍

2.11-2

ya̱ccha̱te̱ pu̱rurūpāya̱ svāhetyā̍hā̱ṣṭau ca̍

2.45

iti taittirīye brāhmaṇe tṛtīye'ṣṭake aṣṭamaprapāṭhake ekādaśo'nuvākaḥ.
'sā̱vi̱trama̱ṣṭāka̍pālaṃ prā̱tarnirva̍pati | a̱ṣṭākṣa̍rā
gāya̱trī | gā̱ya̱traṃ prā̍tassava̱nam | prā̱ta̱ssa̱vanā̍de̱vaina̍ṃ
gāya̱triyāśchanda̍so̱'dhi nirmimīte | atho̍ prātassava̱name̱va tenā̍pnoti | gāya̱trīṃ chanda̍ḥ | ²sa̱vi̱tre pra̍savi̱tra ekā̍daśakapālaṃ ma̱dhyandi̍ne | ekā̍daśākṣarā
tri̱ṣṭup | trai̱ṣṭu̱bhaṃ mādhya̍ndi̱na̱m̐ sava̍nam | mādhya̍ndinādde̱vaina̱m̐ sava̍nāttṛ̱ṣṭubhaśchanda̍so̱'dhi nirmimīte
44|| atho̱ mādhya̍ndiname̱va sava̍na̱ṃ tenā̍pnoti | tri̱ṣṭubha̱ṃ chanda̍ḥ | sa̱vi̱tra āsa̍vi̱tre dvāda̍śakapālamaparā̱hṇe | dvāda̍śākṣarā̱ jaga̍tī | jāga̍taṃ tṛtīyasava̱nam
tṛ̱tī̱ya̱sava̱nādde̱vaina̱ṃ jaga̍tyā̱śchanda̍so̱'dhi nirmimīte
atho̍ tṛ̱tīya̱sava̱name̱va tenā̍pnoti | jaga̍tī̱ṃ chanda̍ḥ
ī̱śva̱ro vā aśva̍ḥ pramu̱ktaḥ parā̍ṃ pa̱rāva̱taṃ ganto̍ḥ
i̱ha dhṛti̱ssvāhe̱ha vidhṛ̍ti̱ssvāhe̱ha ranti̱ssvāhe̱ha rama̍ti̱ssvāheti̱ cata̍sra̱ āhu̍tīrjuhoti

2.46

cata̍sro diśa̍ḥ | di̱gbhire̱vaina̱ṃ pari̍gṛhṇāti | ā̱śva̱ttho
vra̱jo bha̍vati | pra̱jāpa̍tirde̱vebhyo̱ nilā̍yata | aśvo̍
rū̱paṃ kṛ̱tvā | so̍'śva̱tthe sa̍ṃvathsa̱rama̍tiṣṭhat | tada̍śva̱tthasyā̍śvattha̱tvam | yadā̍śva̱ttho vra̱jo bhava̍ti | sva
e̱vaina̱ṃ yonau̱ prati̍ṣṭhāpayati

2.12-2

tri̱ṣṭubha̱śchanda̍so̱'dhi̱ nirmi̍mīte juhoti̱
nava̍ṃ ca

2.47

'ā brahma̍nbrāhma̱ṇo bra̍hmavarca̱sī jā̍yatā̱mityā̍ha
brāhma̱ṇa e̱va bra̍hmavarca̱saṃ da̍dhāti | tasmā̍tpu̱rā brāhma̱ṇo bra̍hmavarca̱sya̍jāyata | ²ā'smin rāṣṭre rā̍ja̱nya̍
iṣa̱vya̍śśūro̍ mahā̱ra̱tho jā̍yatā̱mityā̍ha | rāja̱nya̍
e̱va śaurya̍ṃ mahi̱māna̍ṃ dadhāti | tasmā̍tpu̱rā rā̍ja̱nya̍
iṣa̱vya̍śśūro̍ mahā̱ra̱tho̍'jāyata | ³dogdhrī̍ dhe̱nurityā̍ha
dhe̱nvāme̱va payo̍ dadhāti | tasmā̍tpu̱rā dogdhrī̍ dhe̱nura̍jāyata | voḍhā̍'na̱ḍbānityā̍ha

2.49

ana̱ḍuhye̍va vī̱rya̍ṃ
dadhāti | tasmā̍tpu̱rā voḍhā̍'na̱ḍvāna̍jāyata | ā̱śussaptirityā̍ha | aśva̍ e̱va java̍ṃ dadhāti | tasmā̍tpu̱rā''śu̱raśvo̍'jāyata | puraṃdhi̱ryoṣetyā̍ha | yoṣi̍tye̱va rūpa̍ṃ dadhāti̍ | tasmā̱tstrī yu̍va̱tiḥ pri̱yā bhā̍vukā | ji̱ṣṇū
ra̍the̱ṣṭhā ityā̍ha | āhu̍ vai tatra̍ ji̱ṣṇū ra̍the̱ṣṭhā jā̍yate
48|| yatrai̱tenaṃ ya̱jñena̱ yaja̍nte | ⁴sa̱bheyo̱ yuvetyā̍ha
yo vai pūrvavaya̱sī | sa sa̱bheyo̱ yuvā̍ | tasmā̱dyuvā̍
pumāṃnpri̱yo bhā̍vukaḥ | ā'sya̱ yaja̍mānasya vī̱ro
jā̍yatā̱mityā̍ha | āhu̍ vai tatra̱ yaja̍mānasya vī̱ro
jā̍yate | yatrai̱tenaṃ ya̱jñena̱ yaja̍nte | ⁵nikā̱me ni̍kāme
naḥ parjanyo̍ varṣa̱tvityā̍ha | nikā̱me ni̍kāme ha̱ vai
tatra̍ pa̱rjanyo̍ va̱rṣati̱ | yatrai̱tena̍ṃ ya̱jñena̱ yaja̍nte | pha̱linyo̍ na̱ oṣa̍dhayaḥ pacyantā̱mityā̍ha | pha̱linyo̍
ha̱ vai tatrauṣa̍dhayaḥ pacyante | yatrai̱tena̍ṃ ya̱jñena̱ yaja̍nte
yo̱ga̱kṣe̱mo na̍: kalpatā̱mityā̍ha | kalpa̍te ha̱ vai tatra̍
pra̱jābhyo̍ yogakṣe̱maḥ | yatrai̱tena̍ṃ ya̱jñena̱ yaja̍nte

2.13-2

ana̱ḍbānityā̍ha jāyate varṣati sa̱pta ca̍

2.50

'pra̱jāpa̍tirde̱vebhyo̍ ya̱jñānvyādi̍śat | sa ā̱tmanna̍śvame̱dhamadha̍tta | taṃ de̱vā a̍bruvan | e̱ṣa vāva ya̱jñaḥ | yada̍śvame̱dhaḥ | apye̍va no̱trā̍stviti̍ | tebhya̍
e̱tānanna̍ho̱mānprāya̍cchat | tāna̍juhot | tairvai sa
de̱vāna̍prīṇāt | yadanna̍ho̱māñju̱hoti̍

2.53

de̱vāne̱va
taiairyaja̍mānaḥ prīṇāti | <sup 2</sup ājye̍na juhoti | a̱gnervā
e̱tadrūpam | yadājya̍m | yadājyena ju̱hoti̍ | a̱gnime̱va tatprī̍ṇāti | madhu̍nā juhoti | ma̱hatyai̍ vā e̱tadde̱vatā̍yai rū̱pam | yanmadhu̍ | yanmadhu̍nā ju̱hoti̍
ma̱hatī̍me̱va tadde̱vatā̍ prīṇāti | ta̱ṇḍulairju̍hoti | vasū̍nāṃ vā e̱tadrūpam | yattaṃṇḍulā̍ḥ | yattaṃṇḍu̍lairju̱hoti̍ | vasū̍ne̱va tatprī̍ṇāti | pṛ̱thu̱kairju̍hoti | ru̱drāṇāṃ vā e̱tadrūpam | yatpṛ̍thu̱kā̍ḥ | yatpṛ̍thu̱kairju̱hoti̍
52 || ru̱drāne̱va tatprī̍ṇāti | lā̱jairju̍hoti | ā̱di̱tyānā̱ṃ vā e̱tadrūpam | yallājā̍ḥ | yallā̱jairju̱hoti̍ | ā̱di̱tyāne̱va tatprī̍ṇāti | ka̱ra̱mbhairju̍hoti
viśve̍ṣāṃ vā e̱tadde̱vānā̱ṃ rūpam | yatka̍ra̱mbhā̍ḥ | yatka̱ra̱mbhairju̱hoti̍

2.54

viśvā̍ne̱va tadde̱vānprī̍ṇāti
dhā̱nābhi̍rjuhoti | nakṣa̍trāṇāṃ vā e̱tadrūpam | yaddhā̱nā̍ḥ | yaddhā̱nābhi̍rju̱hoti̍ | nakṣa̍trāṇye̱va tatprī̍ṇāti | sa̱ktubhi̍rjuhoti | pra̱jāpa̍tervā e̱tadrūpam | yathsakta̍vaḥ | yathsaktu̍bhirju̱hoti̍

2.55

pra̱jāpa̍time̱va
tatprī̍ṇāti | ma̱sū̱syai̍rjuhoti | sarvā̍sāṃ vā e̱tadde̱vatā̍nām̐ rū̱pam | yanma̱sū̱syā̍ni | yanma̱sū̱syai̍rju̱hoti̍ | sarvā̍ e̱va tadde̱vatā̍: prīṇāti | pri̱ya̱ṅgu̱ta̱ṇḍu̱lairju̍hoti | pri̱yāṅgā̍ ha̱ vai nāmai̱te | e̱tairvai de̱vā
aśva̍syāṅgā̍ni̱ sama̍dadhu: | yatpri̍ya̱ṅguta̍ṇḍu̱lairju̱hoti̍
aśva̍syai̱vāṅgā̍ni̱ saṃda̍dhāti | daśānnā̍ni juhoti
daśā̍kṣarā vi̱rāṭ | vi̱rāṭkṛ̱tsnasyānnādya̍syāva̍ruddhyai

2.14-2

ju̱ho̱ti̱ madhu̍nā juho̱ti̱ pṛthu̍kairjuho̱ti̍ ka̱rambairju̍ho̱ti̱ saktu̍bhirjuho̱ti̍ priya̱ṅguta̍ṇḍu̱lairju̍ho̱ti̍ ca̱tvāāri̍ ca

2.56

a̱nna̱ho̱mānājye̍nā̱gnermadhu̍nā taṇḍu̱lai: pṛthu̍kairlājai: ka̱rambairdhā̱nābhi̱ssaktu̍bhirma̱sū̱syai̍: priya̱ṅguta̍ṇḍu̱lairdaśānnā̍ni̱ dvāda̍śa
'pra̱jāpa̍tiraśvame̱dhamasṛjata | taᳵ sṛ̱ṣṭaᳵ rakṣām̐̍syajighām̐san | sa e̱tānpra̱jāpa̍tirnaktam̐̍ ho̱māna̍paśyat | tāne̱juho̍t | tairvai sa ya̱jñādrakṣām̐̍syapāhan
yannaktam̐̍ ho̱māñju̱hoti̍ | ya̱jñāde̱va tairyaja̍māno rakṣām̐̍syapa̍hanti | ājye̍na juhoti | vajro̱ vā ājya̍m | vajre̍ṇai̱va ya̱jñādrakṣām̐̍syapa̍hanti

2.57

ājya̍sya prati̱pada̍ṃ karoti | prā̱ṇo vā ājya̍m
mu̱khata e̱vāsya̍ prā̱ṇaṃ da̍dhāti | a̱nna̱ho̱māñju̍hoti
śarī̍ravade̱vāva̍rundhe | vya̱tyāsa̍ṃ juhoti | u̱bhaya̱syāva̍ruddhyai | nakta̍ṃ juhoti | rakṣa̍sāmapa̍hatyai | ājye̍nānta̱to ju̍hoti

2.58

prā̱ṇo vā ājya̍m | u̱bhaya̍ta e̱vāsya̍ prā̱ṇaṃ da̍dhāti | pu̱rastā̍cco̱pari̍ṣṭācca
eka̍smai̱ svāhetyā̍ha | a̱sminne̱va lo̱ke prati̍tiṣṭhati | dvābhyā̍ svāhetyā̍ha | a̱muṣmi̍nne̱va lo̱ke
prati̍ tiṣṭhati | u̱bhayo̍re̱va lo̱kayo̱ḥ prati̍ tiṣṭhati
a̱smim̐ścā̱muṣmi̍m̐śca | 'śa̱tāyu̍ svāhetyā̍ha | śa̱tāyu̱rve puru̍ṣaśśa̱tavī̍ryaḥ | āyu̍reva vī̱rya̍mava̍rundhe
sa̱hasrā̍ya̱ svāhetyā̍ha | āyu̱rve sa̱hasra̍m | āyu̍revā̱varu̍ndhe | sarva̍smai̱ svāhetyā̍ha | apa̍rimitame̱vāva̍rundhe

2.15-2

e̱va ya̱jñādrakṣā̱m̱̐syapa̍ghnantyanta̱to ju̍hoti śa̱tāyu̱ svāhetyā̍ha sa̱pta ca̍

2.59

pra̱jāpa̍tiṃ vā e̱ṣa ī̍psatītyā̍huḥ | yo̍'śvame̱dhena̱ yaja̍ta̱ iti̍ | atho̍ āhuḥ | sarvā̍ṇi bhū̱tānītiṃ | eka̍smai̱ svāhetyā̍ha | prajāpa̍ti̱rvā eka̍ḥ
tame̱vāpno̍ti | eka̍smai̱ svāhā̱ dvābhyā̱ svāhetya̍bhipūrva̍māhutīrjuhoti | a̱bhi̱pūrva̍meva su̍va̱rgaṃ lo̱kamai̍ti
³eko̍ttaraṃ juhoti

2.60

eka̍vadeva su̍va̱rgaṃ lo̱kamai̍ti | santa̍taṃ juhoti | su̱va̱rgasya̍ lo̱kasya̍ sa̱nta̍tyai | śa̱tāyu̱ svāhetyā̍ha | śa̱tāyu̱rvai puru̍ṣaśśa̱tavī̍ryaḥ | āyu̍reva vī̱rya̍mava̍rundhe | sa̱hasrā̍ya̱ svāhetyā̍ha | āyu̱rvai sa̱hasra̍m | āyu̍re̱vāva̍rundhe | a̱yutā̍ya̱ svāhā̍ ni̱yutā̍ya̱ svāhā̍ prayutā̍ya̱ svāhetyā̍ha

2.61

trya̍ṃ i̱me lo̱kāḥ | i̱māne̱va lo̱kānava̍rundhe | arbu̍dāya̱ svāhetyā̍ha | vāgvā arbu̍dam
vāca̍me̱vāva̍rundhe | nya̍rbudāya̱ svāhetyā̍ha | yo vai
vā̱co bhūmā̍ | tannya̍rbudam | vāca̍ e̱va bhūmā̍namava̍rundhe | sa̱mu̱drāya̱ svāhetyā̍ha

2.62

sa̱mu̱drame̱vāpno̍ti | madhyā̍ya̱ svāhetyā̍ha | madhya̍me̱vāpno̍ti
antā̍ya̱ svāhetyā̍ha | anta̍me̱vāpno̍ti | pa̱rā̱rdhāya̱
svāhetyā̍ha | pa̱rā̱rdhame̱vāpno̍ti | u̱ṣase̱ svāhā̱ vyu̍ṣṭyai svāhetyā̍ha | rā̱trirvā u̱ṣāḥ | aha̱rvyu̍ṣṭiḥ
a̱ho̱rā̱tre e̱vāva̍rundhe | atho̍ ahorā̱trayo̍re̱va prati̍
tiṣṭha̍ti | tā yadu̱bhayī̍rdi̱vāṃ vā̱ nakta̍ṃ vā juhu̱yāt
a̱ho̱rā̱tre mo̍hayet | u̱ṣase̱ svāhā̱ vyu̍ṣṭyai̱ svāho̍de̱ṣya̱te svāhodya̍te̱ svāhetyanu̍dite juhoti | udi̍tāya̱ svāhā̍ suva̱rgāya̱ svāhā̍ lo̱kāya̱ svāhetyudi̍te juhoti | a̱ho̱rā̱trayo̱ravya̍timohāya

2.16-2

e̱ko̱ttara̍ṃ juhoti pra̱yutā̍ya̱ svāhetyā̍ha samu̱drāya̱ svāhetyā̍hāha̱vyu̍ṣṭisa̱pta ca̍

2.63

iti taittirīye brāhmaṇe tṛtīye'ṣṭake aṣṭamaprapāṭhake ṣoḍaśo'nuvākaḥ.
'vi̱bhūrmātrā pra̱bhūḥ pi̱tretya̍śva̱nāmā̍ni juhoti
u̱bhayo̍re̱vaina̍ṃ lo̱kayornāma̱dheya̍ṃ gamayati | ⁠²ā̱ryanā̍ya̱ svāhā̍ prāya̱ṇāya̱ svāhetyu̍dbhāvāñjuhoti | savaime̱vaina̍maskannam̐ suva̱rgaṃ lo̱kaṃ ga̍ṃmayati | ³a̱gnaye̱
svāhā̱ somā̍ya̱ svāheti̍ pūrva̱homāñju̍hoti | pūrva̍ eva
dviṣanta̱ṃ bhrātṛ̍vya̱mati̍krāmati | ‘pṛ̱thi̱vyai svāhā̱'ntari̍kṣāya̱ svāhetyā̍ha | ya̱thāya̱jure̱vaitat | ⁵a̱gnaye̍
svāhā̱ somā̍ya̱ svāheti̍ pūrvadī̱kṣā ju̍hoti | pūrva̍
e̱va dviṣanta̱ṃ bhrātṛ̍vya̱mati̍krāmati

2.64

⁶pṛ̱thi̱vyai
svāhā̱'ntari̍kṣāya̱ svāhetye̍kavi̱m̐śinī̍ṃ dī̱kṣāṃ ju̍hoti | eka̍vim̐śati̱rvai de̍valo̱kāḥ | dvāda̍śa̱ māsāḥ pañcartava̍ḥ | traya̍ i̱me lo̱kāḥ | a̱sāvā̍di̱tya
e̍kavi̱m̐śaḥ | e̱ṣa su̍va̱rgo lo̱kaḥ | su̱va̱rgasya̍ lo̱kasya̱ sama̍ṣṭyai | ⁷bhuvau̍ de̱vānā̱ṃ karma̍ṇetyṛtudī̱kṣā
ju̍hoti | ṛ̱tūne̱vāsmai̍ kalpayati | ⁸a̱gnaye̱ svāhā̍ vā̱yave̱ svāheti̍ ju̱hotyana̍ntarityai

2.65

'arvā̍ṅṅa̱jñassaṃkrā̍ma̱tvityā̱ptīrju̍hoti | su̱varga̍sya
lo̱kasyāptyai̍ | bhū̱taṃ bhavya̍ṃ bhavi̱ṣyadi̍ti paryā̍ptīrjuhoti | su̱varga̍sya̱ loka̍sya̱ paryā̍ptyai | ā me̍ gṛ̱hā
bha̍va̱nvityā̱bhūju̍hoti | su̱varga̍sya̱ lo̱kasyābhū̍tyai
a̱gninā̱ tapo'nva̍bhava̱ditya̍nu̱bhūju̍hoti | su̱varga̍sya
lo̱kasyā̍nu̱bhūtyai̍ | svāhā̍''dhimādhī̍tāya̱ svāheti̍
sama̍stāni vaiśvade̱vāni̍ juhoti | sama̍stame̱va dviṣanta̱ṃ bhrātṛ̍vyamati̍krāmati

2.66

"da̱dgyaᳵsvāhā̍
hanū̍bhyā̱ᳵ svāhetya̍ṅgaho̱māñju̍hoti | aṅge̍aṅge̱ vai
puru̍ṣasya pā̱pmopa̍śliṣṭaḥ | aṅgā̍daṅgāde̱vaina̍ṃ pā̱pmanstena̍ muñcati | "a̱ñjaye̱tāya̱ svāhā̍ kṛ̱ṣṇāya̱ svāhā̍
śve̱tāya̱ svāhetya̍śvarū̱pāṇi̍ juhoti | rū̱paire̱vainaᳵ
sa̱ma̍rdhayati | oṣa̍dhībhya̱ssvāhā̱ mūle̍bhya̱ssvāhetyoṣa̍dhiho̱māñju̍hoti | dva̱yyo vā oṣa̍dhayaḥ | pu̱ṣpebhyo̱'nyāḥ phala̍ṃ gṛ̱hvanti̍ | mūle̍bhyo̱'nyāḥ | tā
e̱vobha̍yī̱rava̍ṃrundhe

2.67

¹²vana̱spati̍bhya̱ssvāheti̍
vana̱spati̍ho̱māñju̍hoti | ā̱ra̱ṇyasyānnādya̱syāva̍ruddhyai | ¹³me̱ṣastvā̍ paca̱taira̍va̱tvitya̱pā̍ṃvyāni juhoti
prā̱ṇā vai de̱vā a̱pā̍ṃvyāḥ | prā̱ṇāne̱vāva̍ṃrundhe | ¹⁴kūpyā̍bhya̱ssvāhā''dva̱dya̍ssvāhetya̱pāgm̐ homā̍ñjuhoti
a̱psu vā āpa̍: | anna̱ṃ vā āpa̍: | a̱dva̱dyo vā
anna̍ṃ jāyate | yadde̱vādga̱dyo'nna̱ṃ jāya̍te | tadava̍rundhe

2.68

pūrvadīkṣā juho̍ti̱ pūrve̍ eva dviṣanta̱ṃ bhrātṛ̍vyamartikrāma̱tyana̍ntarityai krāmati rundhe jāya̍ta̱ eka̍ ca
'ambhā̍m̐si juhoti | a̱yaṃ vai lo̱ko'mbhā̍m̐si
tasya̱ vasa̍vo'dhi̍patayaḥ | a̱gnirjyoti̍ḥ | yada̱mbhām̐si ju̱hoti̍ | i̱mame̱va lo̱kamava̍rundhe | vasū̍nām̐
iti taittirīyabrāhmaṇe tṛtīye aṣṭame aśvamedhe
saptadaśo'nuvākaḥ.
sāyu̍jyaṃ gacchati | a̱gniṃ jyoti̱rava̍rundhe | 2nabhā̍m̐si juhoti | a̱ntari̍kṣaṃ vai nabhā̍m̐si

2.69

tasya̍ ru̱drā adhi̍patayaḥ | vā̱yurjyoti̍ḥ | yannabhā̍m̐si ju̱hoti̍ | a̱ntari̍kṣame̱vāva̍rundhe | ru̱drāṇām̐ sāyu̍jyaṃ gacchati | vā̱yuṃ jyoti̱rava̍rundhe
3mahā̍m̐si juhoti | a̱sau vai lo̱ko mahā̍m̐si
tasyā̍di̱tyā adhi̍patayaḥ | sūryo̱ jyoti̍ḥ

2.70

yanmahā̍m̐si ju̱hoti̍ | a̱mume̱va lo̱kamava̍rundhe
ā̱di̱tyānām̐ sāyu̍jyaṃ gacchati | sūrya̱ṃ jyoti̱rava̍rundhe | 4namo̱ rājñe̱ namo̱ varu̍ṇāyeti̍ ya̱vyā̍ni juhoti̍ | a̱nnādya̱syāva̍ruddhyai | 'ma̱yo̱bhūrvāto̍ a̱bhi
vā̍tū̱srā iti̍ ga̱vyāni̍ juhoti | pa̱śūnā̱mava̍ruddhyai
⁶prā̱ṇāya̱ svāhā̍ 'vyā̱nāya̱ svāheti̍ saṃtatiho̱māñju̍hoti | su̱varga̱sya̍ lo̱kasya̱ saṃta̍tyai

2.71

⁷si̱tāya̱ svāhā'si̍tāya̱ svāheti̍ pramu̍ktīrjuhoti
su̱varga̱sya̍ lo̱kasya̱ pramu̍ktyai | pṛ̱thi̱vyai svāhā̱''ntarikṣāya̱ svāhetyā̍ha | ya̱thāya̱jure̱vaitat | ⁸dṛ̱tvate̱
svāhā̍'dṛntakā̍ya̱ svāheti̍ śarīraho̱māñju̍hoti
pi̱tṛ̱lo̱kame̱va tairyaja̍māno'va̍rundhe | ⁹kastvā̍ yunakti̱ sa tvā̍ yuna̱ktīti̍ pari̱dhīn yu̍nakti | i̱me vai
lo̱kāḥ pari̍dhayaḥ | i̱māne̱vāsmai̍ lo̱kān yu̍nakti
su̱va̱rgasya̍ lo̱kasya̱ sama̍ṣṭyai

2.73

¹⁰yaḥ prā̍ṇa̱to
ya ā̍tma̱dā iti̍ mahi̱mānau̍ juhoti | su̱va̱rgo vai
lo̱ko maha̍ḥ | su̱va̱rgame̱va tābhyā̍ṃ lo̱kaṃ yaja̍māno'va̍rundhe | ā brahma̍nbrāhma̱ṇo bra̍hmavarca̱sī jā̍yatā̱miti̍ sama̱stāni̍ brahmavarca̱sāni̍ juhoti | bra̱hma̱va̱rca̱same̱va tairyaja̍māno'va̍rundhe | ja̱ṅgi̱ bīja̱miti̍
juhotyana̍ntarityai | a̱gnaye̱ sama̍namata pṛthi̱vyai sama̍nama̱diti̱ṃ sanna̍tihomāñjuhoti | su̱varga̍sya̱ loka̍sya̱
saṃna̍tyai | "bhū̱tāya̱ svāhā̍ bhavi̱ṣyate̱ svāheti̍ bhūtā̱bhavyau ho̱mau ju̍hoti | a̱yaṃ vai lo̱ko bhū̱tam
72|| a̱sau bha̍vi̱ṣyat | ana̍yo̱reva lo̱kayo̱ḥ prati̍tiṣṭhati | sarva̍syā̱ptyai | sarva̍syāva̍ruddhyai | 12yadakra̍ndaḥ pratha̱maṃ jāya̍māna̱ itya̍śvasto̱mīya̍ṃ juhoti
sarva̍syā̱ptyai | sarva̍sya̱ jityai̍ | sarva̍me̱va tenā̍pnoti
sarva̍ṃ jayati | yò'śvame̱dhena̱ yaja̍te

2.74

ya u̍
cainame̱vaṃ veda̍ | 13ya̱jñaꣲ rakṣā̍ṃsyajighāꣲsan | sa
e̱tānpra̱jāpa̍tirnaktam̐homāna̍paśyat | tāna̍juhot
tairyai sa ya̱jñādrakṣām̐syapā̍han | yanna̍ktam̐homāñjuhoti̍ | ya̱jñāde̱va tairyaja̍māno̱ rakṣām̐syapa̍ hanti | u̱ṣase̱ svāhā̱ vyu̍ṣṭyai svāhetya̍nta̱to ju̍hoti | su̱va̱rgasya̍ lo̱kasya̱ sama̍ṣṭyai

2.18-2

vai nabhām̐̍si̱ sūryo̱ jyoti̱ssaṃta̍tyai̱ sama̍ṣṭyai bhūtaṃ
yaja̍te̱ nava̍ ca

2.75

lo̱kasyā̱bhiji̍tyai | ²bai̱lvo vā̍ khādi̱ro vā̍ pālā̱śo vā̍ | a̱nyeṣā̍ṃ ya̱jñakratū̱nāṃ yūpā̍ bhavanti | rājju̱dāla̍ eka̍vim̐śatyaratniraśvame̱dhasya̍ | su̱varga̍sya̱
lo̱kasya̱ sama̍ṣṭyai | nānyeṣā̍ṃ pa̱śūnā̱ṃ taija̍nyā aṃvadyanti̍ | ava̍dya̱ntyaśva̍sya

2.76

pā̱pmā vai taija̍nī | pā̱pmano'pa̍hatyai | pla̱kṣaśā̱khāyā̱ṃmanyeṣā̍ṃ pa̱śūnā̱maṃva̍dyanti̍ | ve̱ta̱saśā̱khāyā̱maśva̍sya | a̱psuyo̍nirvā aśva̍ḥ | a̱psujo vaita̍saḥ | sva e̱vāsya̱
yonā̱vava̍dyati | ³yūpe̍ṣu grā̱myānpa̱śūnni̍yu̱ñjanti̍
ā̱ro̱keṣvā̍ra̱ṇyāndhā̍rayanti | pa̱śūnā̱ṃ vyāvṛ̍ttyai
ā grā̱myānpa̱śūnla̍bhante | prāra̱ṇyānthsṛ̍janti
pā̱pmano'pa̍hatyai

2.19-2

aśva̍sya̱ vyāvṛ̍ttyai̱ trīṇi̍ ca

2.79

'rā̱jju̱dā̱lama̱gniṣṭhā̍ṃ mi̱noti̍ | bhrū̱ṇa̱ha̱tyāyā̱ apa̍hatyai | pautu̍dra̱vāva̱bhito̍ bhavataḥ | pu̱ṇya̍sya ga̱ndhasyāva̍ruddhyai | bhrū̱ṇa̱hatyā̍me̱vāsmā̍dapa̱hatya̍ | pu̱ṇyena̍
ga̱ndheno̍bha̱yata̱ḥ pari̍gṛhṇāti | ṣaḍbai̱lvā bha̍vanti
bra̱hma̱va̱rca̱sasyāva̍ruddhyai | ṣaṭkhā̍di̱rāḥ | teja̍so̱'varu̍ddhyai
77|| ṣaṭpā̍lā̱śāḥ | so̱ma̱pī̱thasyāva̍ruddhyai | eka̍vim̐śa̱tissampa̍dyante | eka̍vim̐śa̱tirvai de̍valo̱kāḥ
dvāda̍śa̱ māsā̍: pañca̱rtava̍: | traya̍ i̱me lo̱kāḥ | a̱sāvā̍di̱tya eka̍vim̐śaḥ | e̱ṣa su̍va̱rgo lo̱kaḥ | su̱va̱rgasya̍ lo̱kasya̱ sama̍ṣṭyai | śata̍ṃ pa̱śavo̍ bhavanti
78 || śatāyuḥ puruṣa̍śśa̱tendri̍yaḥ | āyu̍ṣyevendri̱ye
prati̍tiṣṭhati | sarva̱ṃ vā aśva̍me̱dhyāpno̍ti | apa̍rimitā bhavanti | apa̍rimita̱syāva̍ruddhyai | ⁴brahmavādino̍ vadanti | kasmā̍tsa̱tyāt | dakṣiṇa̱to'nyeṣā̍ṃ
pa̱śūnā̱mava̍dyanta̍ | u̱ttara̱to'śva̱syeti̍ | vā̱ru̱ṇo vā
aśva̍:

2.81

e̱ṣā vai varu̍ṇasya̱ dik | svāyāṃme̱vāsya̍ diśyava̍dyati | yadi̍ta̍reṣāṃ pa̱śūnā̱mava̍dyati̍
śa̱ta̱de̱va̱tya̍ tenāva̍rundhe | ⁵ci̱te'gnāvadhivaita̱se kaṭe'śva̍ ci̱noti̍ | a̱psuyo̍nirvā aśva̍: | a̱psujo
vaita̱sa: | sva e̱vaina̱ṃ yonau̱ prati̍ṣṭhāpayati | pu̱rastā̍tpratyañca̍ntū̱para̍ṃ cinoti | pa̱ścātprācī̍naṃ gomṛ̱gam
80 || prā̱ṇā̱pā̱nāve̱vāsmiṃtsa̱myañcau̍ dadhāti | aśva̍ntū̱para̍ṃ gomṛ̱gamiti̍ sarva̍hutaṃ e̱tāñju̍hoti | e̱ṣāṃ
lo̱kānā̍ma̱bhiji̍tyai | ⁶ā̱tmanā̍'bhirjuhoti | sātmā̍name̱vaina̍g̱ sata̍nuṃ karoti | sā̱tmā'muṣmi̍nlo̱ke
bha̍vati | ya e̱vaṃ veda̍ | atho̱ vaso̍re̱va dhārā̱ṃ tenāva̍rundhe | ⁷i̱lluva̍rdāya̱ svāhā̍ ba̱lliva̍rdāya̱ svāhetyā̍ha | sa̱ṃva̱thsa̱ro vā ī̍lluva̱rdaḥ | pa̱ri̱va̱thsa̱ro ba̍llivardaiḥ | sa̱ṃva̱thsa̱rāde̱va pari̍vathsa̱rādāyu̱rava̍rundhe | āyu̍re̱vāsmi̍ndadhāti | tasmā̍daśvamedhayā̱jī ja̱rasā̍ vi̱srasā̱'muṃ lo̱kamai̍ti

2.20-2

teja̍so̱'varu̍ddhyai bhava̱ntyaśvo̍ gomṛ̱garmilu̱vadai̍ścatvā̱riṃ ca̍

2.82

'e̱ka̱vi̱m̱̐śo'gni̱rbhava̍ti | e̱ka̱vi̱m̱̐śasstome̍:
eka̍vi̱m̱̐śati̱ryūpā̍: | ^2yathā̱ vā aśvā̍ vṛ̱ṣa̱bhā vā̍
vṛṣā̍ṇassa̱ṃsphure̍ra̱n | e̱vame̱tathstomā̍ssa̱ṃsphu̍rante
yadaika̍vim̐śā̍ḥ | te yathsa̱mṛcche̍ra̱n | ha̱nyetā̍sya ya̱jñaḥ | dvāda̍śa e̱vāgnira̱syādityā̍huḥ | dvāda̍śārasto̱maḥ

2.83

ekā̍daśa yūpā̍ḥ | yaddvāda̍śo'gnirbhava̍ti
dvāda̍śa māsā̍ssaṃvathsa̱raḥ | sa̱ṃva̱thsa̱reṇaivāsmā̱ anna̱mava̍rundhe | yaddaśa̍ yūpā bhava̍nti | daśā̍kṣarā vi̱rāṭ
anna̍ṃ vi̱rāṭ | vi̱rājai̱vānnādya̱mava̍ rundhe | ya ekā̍daśaḥ
stana̍ṃ e̱vāsyai̱ saḥ

2.84

duha e̱vainā̱ṃ tena̍ṃ | tadā̍huḥ | yaddvāda̍śo'gnira̱syāddvāda̍śastoma̱ ekā̍daśa
yūpa̍ḥ | yathā̱ sthūri̍ṇā yā̱yāt | tā̱dṛktat | eka̍vi̱m̱̐śa e̱vāgnissrsyā̱dityā̍huḥ | eka̍vi̱m̱̐śasstorma̍ḥ
eka̍vi̱m̱̐śati̱ryūpā̍ḥ | yathā̱ praṣṭi̍bhi̱ryāti̍ | tā̱dṛge̱va
tat

2.85

^5yo vā a̍śvame̱dhe ti̱sraḥ ka̱kubho̱ veda̍
ka̱kuddha rā̱jñām̐ bha̍vati | eka̍vi̱m̱̐śo'gni̱rbhava̍ti | e̱ka̍vi̱m̱̐śasstorma̍ḥ | eka̍vi̱m̱̐śati̱ryūpā̍ḥ | e̱tā vā
a̍śvame̱dhe ti̱sraḥ ka̱kubha̍ḥ | ya e̱vaṃ veda̍ | ka̱kuddha
rā̱jñām̐ bha̍vati | ^6yo vā a̍śvame̱dhe trīṇi̱ śī̱rṣāṇi̱
veda̍ | śiro̍ ha rā̱jñām̐ bha̍vati | eka̍vi̱m̱̐śo'gni̱rbhāvati | e̱ka̱vi̱m̱̐śasstome̍ḥ | eka̍vim̐śa̱tiryūpā̍ḥ
e̱tāni̱ vā aśva̍me̱dhe trīṇi̱ śī̱rṣāṇi̍ | ya e̱vaṃ
ved | śiro̍ ha̱ rājñā̍ṃ bhavati

2.21-2

dvāda̱śastomo̱ssa e̱va tacchiro̍ ha̱ rājñā̍ṃ bhavati̱ ṣaṭca̍

2.86

'devā vā aśvamedhe pava̍māne | su̱vargaṃ lo̱kaṃ na
prājā̍nan | tamaśvaḥ prājā̍nāt | yada̍śvame̱dhe'śvena̍
me̱dhyenoda̍ñco bahiṣpava̱māna̍1̱ sarrpanti | su̱vargasya̍
lo̱kasya̱ prajñā̍tyai | na vai ma̍nu̱ṣya̍ssu̱vargaṃ lo̱kamaaṃsā veda | aśvo vai su̍vargaṃ lo̱kamañja̍sā veda
yadu̍dgā̱todgāye̍t | yathā'kṣetra̱jño'nye̍naṃ pa̱thā prati̍pāda̱yet | tā̱dṛktat

2.87

u̱dgātāra̍maparu̱ddhya̍
aśva̍mudgī̱thāya̍ vṛṇīte | yathā̍ kṣetra̱jño'ñja̍sā naya̍ti
e̱vame̱vaina̱maśva̍ssuva̱rgaṃ lo̱kamaa̍sā nayati | puccha̍ma̱nvāra̍bhante | su̱va̱rgasya̍ lo̱kasya̱ sama̍ṣṭyai | ³hiṃ
ka̍roti | sāmai̱vāka̍ḥ | hiṃ ka̍roti | u̱dgītha e̱vāsya̱ saḥ

2.22-2

vaḍa̍bā upa̍ rundhanti | mithu̱natvāya̱ prajā̍tyai | atho̱ yathopa̍gā̱tāra̍ upa̱gāya̍nti
tā̱dṛge̱va tat | ⁴uda̍gāsīda̱śvo medhya̱ ityā̍ha | prā̱jāpa̍tyo vā aśva̍ḥ | pra̱jāpa̍tirudgīthaḥ | u̱dgīthame̱vāva̍rundhe | atho̱ ṛksā̱mayo̍re̱va prati̍tiṣṭhati
⁵hira̍ṇyena̱opāva̍roti | jyoti̱rvai hira̍ṇyam | jyoti̍re̱va mukhato da̍dhāti | yaja̍māne ca pra̱jāsu̍ ca
atho̱ hira̍ṇyajyotire̱va yaja̍mānassuva̱rgaṃ lo̱kamai̍ti
tathsa upāka̍roti ca̱tvāri̍ ca

2.89

¹puru̍ṣo̱ vai ya̱jñaḥ | ya̱jñaḥ pra̱jāpa̍tiḥ | yadaśve̍
pa̱śūnvi̱yuñja̍nti | ya̱jñāde̱va taya̱jñaṃ prayu̍ṅkte | ²aśva̍ṃ tūpa̱raṃ gaumṛ̱gam | tānā̍gni̱ṣṭha āla̍bhate | senā̍mu̱khame̱va
tatsaṃśya̍ti | tasmā̍drājamu̱khaṃ bhī̱ṣmaṃ bhāvi̍kam
³ā̱gne̱yaṃ kṛ̱ṣṇagrī̍vaṃ pu̱rastā̍llalā̱ṭe | pū̱rvā̱gnime̱va taṃ
ku̍rute

2.90

tasmā̍tpūrvā̱gniṃ pu̱rastā̍tsthāpayanti
pau̱ṣṇamanvañca̍m | anna̱ṃ vai pū̱ṣā | tasmā̍tpūrvā̱gnāvā̍hā̱ryaimāha̍ranti | ⁴ai̱ndrā̱pau̱ṣṇamu̱pari̍ṣṭāt | ai̱ndro vai
rā̍ja̱nyo'nna̍ṃ pū̱ṣā | annā̱dye̍nai̱vaina̍mubha̱yata̱ḥ pari̍ gṛhṇāti | tasmā̍drāja̱nyo̍'nnā̱do bhā̍vu̱kaḥ | ⁵ā̱gne̱yau kṛ̱ṣṇagrī̍vau bā̱huvoḥ | bā̱huvo̍re̱va vī̱rya̍ṃ dhatte

2.91

tasmā̍drāja̱nyo̍ bāhuba̱lī bhā̍vu̱kaḥ | ⁶tvā̱ṣṭrau lo̍maśasa̱kthau sa̱kthyoḥ | sa̱kthyo̍re̱va vī̱rya̍ṃ dhatte | tasmā̍drāja̱nya̍ ūruba̱lī bhā̍vu̱kaḥ | ⁷śi̱tipṛ̱ṣṭhau bā̍rhaspa̱tyau pṛ̱ṣṭhe | bra̱hma̱va̱rca̱same̱vopari̍ṣṭāddhatte | atho̍
ka̱vacai̍ e̱vaite a̱bhita̍ḥ paryūhate | tasmā̍drāja̱nya̍ssanna̱ddho vī̱rya̍ karoti | dhā̱tre pṛ̍ṣoda̱rama̱dhastā̍t | pra̱ti̱ṣṭhāme̱vaitāṃ ku̍rute | atho̍ i̱yaṃ vai dhā̱tā | a̱syāme̱va prati̍ tiṣṭhati | sau̱ryaṃ ba̱lakṣa̱ṃ pucche̍ | u̱thse̱dhame̱va taṃ ku̍rute | tasmā̍duthse̱dhaṃ bha̱ye pra̱jā a̱bhi
sam̐śra̍yanti

2.23-2

ku̱ru̱te dha̱tte ku̱ru̱te pañca̍ ca

2.23-3

sā̱ṅgra̱ha̱ṇyā catu̍ṣṭayyo̱ yo vai yaḥ pi̱tuśca̱tvāro̱
yathā̍ ni̱ktaṃ pra̱jāpa̍taye tvā̱ yathā̍ prokṣi̱taṃ vi̱bhūrahaṃ
pra̱jāpa̍tirakāmayatāśvame̱dhena̍ pra̱jāpa̍ti̱rna kiñca̱ na
sā̍vi̱tramābra̍hma̱npra̱jāpa̍tirde̱vebhya̍ḥ pra̱jāpa̍tī rakṣām̐si prajāpa̍timīpsati vi̱bhūra̍śvanā̱mānya̱mbhā1̍syekayūpo rājjudālamekavim̐śo de̱vāḥ puru̍ṣa̱strayo̍vim̐śatiḥ

2.91-2

sāṅga̱haṇyā tasmā̍daśvamedha̱yājī yatpari̍mitā̱
yadya̍jñamu̱khe yo dī̱kṣāṃ de̱vāne̱va traya̍ṃ i̱me si̱tāya̍ṃ
prāṇāpā̱nāve̱vāsmi̱ntasmā̍drā̱janya̍ṃ eka̍navatiḥ

Linked texts (8)