Pramāṇa · Search · About · API

Chandogabrahmana 4

Chandogabrāhmaṇa 4

Language
Sanskrit

4.2

keśeṣu vāleṣu īkṣite darśane rudite aśruvimocane yat kiñcit pāpakam
apalakṣaṇaṃ tāni pāpakāni| pūrṇāhutyeti gatārtham

4.3

śīleṣu vṛtteṣu caśabdādābhirūpye ca| tathā bhāṣite bhaṇite| hasite hasane
caśabdād gamane ca| yat pāpakam apalakṣaṇam| tāni te pūrṇāhutyeti
gatārtham

4.4

ārokeṣu dantāntareṣu| caśabdādoṣṭhayoḥ| danteṣu daśaneṣu| hastayoḥ
karayoḥ| pādayoḥ caraṇayośca| caśabdād gulphayośca| yat pāpakaṃ tāni te
pūrṇāhutyeti gatārtham

4.5

ūrvādi spaṣṭārtham| lekhāsandhivyatirikteṣu anyeṣu sandhāneṣu sandhiṣu
cakārāt mukhe ca yāni tavāpalakṣaṇāni tāni te pūrṇāhutyeti gatārtham

4.7

dhruvā dyaurdhruvā pṛthivī dhruvaṃ viśvamidaṃ jagat
dhruvāsaḥ parvatā ime dhruvā strī patikule iyam

4.8

annapāśena maṇinā prāṇasūtreṇa pṛśninā
badhnāmi satyagranthinā manaśca hṛdayaṃ ca te

4.9

yadetaddhṛdayaṃ tava tadastu hṛdayaṃ mama
yadidaṃ hṛdayaṃ mama tadastu hṛdayaṃ tava

4.10

annaṃ prāṇasya paḍviṃśastena badhnāmi tvāsau

4.11

sukiṃśukaṃ śālmaliṃ viśvarūpaṃ
suvarṇavarṇaṃ sukṛtaṃ sucakram
ā roha sūrye amṛtasya nābhiṃ
syonaṃ patye vahatuṃ kṛṇuṣva

4.12

mā vidan paripanthino ya āsīdanti dampatī
sugebhirdurgamatītāmapa drāntavarātayaḥ

4.13

iha gāvaḥ pra jāyadhvamihāśvā iha pūruṣāḥ
iho sahasradakṣiṇo'pi pūṣā ni ṣīdatu

4.14

iha dhṛtiriha svadhṛtiriha rantiriha ramasva
mayi dhṛtirmayi svadhṛtirmayi ramo mayi ramasva

Linked texts (9)