Gopathabrahmana 1.3.21

Gopathabrāhmaṇa 1.3.21

Language: Sanskrit

1.3.21

sa hovāca dvādaśa ha vai vasūni dīkṣitād utkrāmanti
na ha vai dīkṣito 'gnihotraṃ juhuyāt_
na paurṇamāsena yajñena yajeta
nāmāvāsyena_
asmin vasīta
na pitṛyajñena yajeta
na tatra gacched yatra manasā jigamiṣet_
neṣṭyā yajeta
na vācā yathākathā cid abhibhāṣeta
na mithunaṃ caret_
nānnāsya yathākāmam upayuñjīta
na paśubandhena yajñena yajeta
na tatra gacched yatra cakṣuṣā parāpaśyet
kṛṣṇājinaṃ vasīta
kurīraṃ dhārayet_
muṣṭī kuryāt_
aṅguṣṭhaprabhṛtayas tisra ucchrayet_
mṛgaśṛṅgaṃ gṛhṇīyāt
tena kaṣeta_
atha yasya dīkṣitasya vāg vāyatā syān muṣṭī vā visṛṣṭau sa etāni japet || 21 ||

Previous: 1.3.20
Next: 1.3.22
Up: 1.3

Linked texts (2)

Vedic Index of Names and Subjects — Arthur A. Macdonell & A. Berriedale Keith, English
Atharvavedabrāhmaṇa — Brahmā, Sanskrit