Gopathabrahmana 1.3.6

Gopathabrāhmaṇa 1.3.6

Language: Sanskrit

1.3.6

uddālako ha vā āruṇir udīcyān vṛto dhāvayāṃ cakāra
tasya ha niṣka upāhito babhūvopavādād bibhyato yo mā brāhmaṇo 'nūcāna upavadiṣyati tasmā etaṃ pradāsyamīti
tad dhodīcyān brāhmaṇān bhayaṃ vivedoddālako ha vā ayam āyāti kaurupañcolo brahmā brahmaputraḥ
sa ūrdhvaṃ vṛto na paryādadhīta
kenemaṃ vīreṇa pratisaṃyatāmahā iti
taṃ yata eva prapannaṃ dadhre tata evam anupratipedire te ha svaidāyanaṃ śaunakam ūcuḥ svaidāyana tvaṃ vai no brahmiṣṭho 'sīti
tvayemaṃ vīreṇa pratisaṃyatāmahā iti
taṃ yata eva prapannaṃ dadhre tata evam anupratipedire
taṃ ha svaidāyanā ity āmantrayām āsa
sa bho gautamasya putreti hāsmā asūyā pratiśrutaṃ pratiśuśrāva
sa vai gautamasya putra ūrdhvaṃ vṛto dhāvet || 6 ||

Other recensions (1)

Gopathabrāhmaṇa 1.1.1–1.3.6 (ed. Mitra and Vidyābhūṣaṇa 1872) — Sanskrit

Linked texts (4)

Vedic Index of Names and Subjects — Arthur A. Macdonell & A. Berriedale Keith, English
The Religion and Philosophy of the Veda and Upanishads — Arthur Berriedale Keith, English
Cosmography and Geography in Early Indian Literature — D. C. Sircar, English
Atharvavedabrāhmaṇa — Brahmā, Sanskrit