Gopathabrahmana 2.2.16

Gopathabrāhmaṇa 2.2.16

Language: Sanskrit

2.2.16

devā yajñaṃ parājayanta
tam āgnīdhrāt punar upājayanta
tad etad yajñasyāparājitaṃ yad āgnīdhram_
yad āgnīdhrād dhiṣṇyān viharati tata evainaṃ punas tanute
parājityai_
apa khalu vā ete gacchanti ye bahiṣpavamānaṃ sarpanti
bahiṣpavamāne stuta āha_
agnīd agnīn vihara barhi stṛṇīhi puroḍāśān alaṃkurv iti
yajñam evāparājitya punas tanvānā āyanti_
aṅgārair dve savane viharati śalākābhis tṛtīyasavanaṃ saśrukratvāya_
atho saṃbhavaty evam evaitat_
dakṣiṇato vai devānāṃ yajñaṃ rakṣāṃsy ajighāṃsan_ [ed. ajidhāṃsan]
tāny āgnīdhreṇāpāghnata
tasmād dakṣiṇāmukhas tiṣṭhann agnīt pratyāśrāvayati
yajñasyābhijityai rakṣasām apahatyai rakṣasām apahatyai || 16 ||

Previous: 2.2.15
Next: 2.2.17
Up: 2.2

Linked texts (3)

Vaitānaśrautasūtra — Sanskrit
A Vedic Concordance — Maurice Bloomfield, English
Atharvavedabrāhmaṇa — Brahmā, Sanskrit