Gopathabrahmana 2.4.3

2.4.3

<tarobhir vo vidadvasum [ṚV 8.66.1]>_<taraṇir it siṣāsati [ṚV 7.32.20]>_ity acchāvākasya stotriyānurūpau_
<ud in nv asya ricyate [ṚV 7.32.12, ŚS 20.59.3]>_iti bārhataḥ pragāthas
tasyoktaṃ brāhmaṇam_
<bhūya id vāvṛdhe vīryāya [ṚV 6.30.1]>_ity ukthamukham
<imām ū ṣu prabhṛtiṃ sātaye dhāḥ [ṚV 3.36.1]>_iti paryāsas
tasya daśamīm uddharati
ghorasya vā āṅgirasasyaitad ārṣaṃ ned yajñaṃ nirdahec chasyamānam_
<pibā vardhasva tava ghā sutāsaḥ [ṚV 3.36.3]>_iti yajati_
etām eva tad devatāṃ yathābhāgaṃ prīṇāti
vaṣaṭkṛtyānuvaṣaṭkaroti
praty evābhimṛśante
nāpyāyayanti
na hy anārāśaṃsāḥ sīdanti || 3 ||