Gopathabrahmana 2.6.6
Gopathabrāhmaṇa 2.6.6
- Language
- Sanskrit
2.6.6
tad āhuḥ kathaṃ dvyuktho hotaikasūkta ekokthā hotrā dvisūktā iti_
asau vai hotā yo 'sau tapati
sa vā eka eva
tasmād ekasūktaḥ
sa yad vidhyāto dvāv ivābhavati
teja eva maṇḍalaṃ bhā aparaṃ śuklam aparaṃ kṛṣṇam_
tasmād a dvyukthaḥ_
raśmayo vāva hotrās
te vā ekaikam_
tasmād ekokthās
tad yad ekaikasya raśmer dvaudvau varṇau bhavatas tasmād dvisūktāḥ
saṃvatsaro vāva hotā
sa vā eka eva
tasmād ekasūktas
tasya yad dvayāny ahāni bhavanti śītāny anyāny uṣṇāny anyāni tasmād dvyukthaḥ_
ṛtavo vāva hotrās
te vā ekaikam_
tasmād ekokthās
tad yad ekaikasyartau dvaudvau māsau bhavatas tasmād dvisūktāḥ
puruṣo vāva hotā
sa vā eka eva
tasmād ekasūktaḥ
sa yat puruṣo bhavaty anyathaiva pratyaṅ bhavaty anyathā prāṅ tasmād dvyukthaḥ_