Jaiminīya (Talavakāra) Brāhmaṇa 2-5.174

2-5.174

tato vai sa bahuḥ prajayā paśubhiḥ prājāyata
nāsmādanyaḥ pūrva āsīt
sa yaḥ kāmayeta bahuḥ prajāyeya na madanyaḥ pūrva syāditi sa etena yajeta
bahureva prajayā paśubhiḥ prajāyate nāsmādanyaḥ pūrvo bhavati
sa trivṛdrathantarasāmā bhavati
na ha vai trivṛta stomādanyaḥ pūrva stomo'sti na rathantarātpṛṣṭhādanyatpūrvaṃ
pṛṣṭhamasti na prajāpateranyā pūrvā devatāsti
tadyadetānyapūrvāṇi tasmādapūrvaḥ
atho mano vai prajāpatiḥ
no vai manaso'nyatkiṃ cana pūrvamasti
tasmādu evāpūrvaḥ
sa trivṛdbhavati nyūnaṃ vai trivṛt
nyūnaṃ prajananaṃ tadyatprajananaṃ tanmā prajanayāditi
tasya rathantaraṃ pṛṣṭhaṃ bhavati prajananaṃ vai rathantaraṃ tadyatprajananaṃ tanmā prajanayāditi
tasya dvādaśa stotrāṇi bhavanti dvādaśa māsāssaṃvatsaraḥ
saṃvatsaraḥ prajananaṃ sa yaḥ prajananaṃ sa mā prajanayāditi
tasya caturviṃśati stutaśastrāṇi bhavanti caturviṃśatyardhamāsassaṃvatsaraḥ
saṃvatsaraḥ prajananaṃ sa yaḥ prajananaṃ sa mā prajanayāditi

Thereupon he was multiplied in offspring and cattle. / No one else was prior to him. / He who desires: 'May I be multiplied, may no one else be prior to me,' should sacrifice with this. / He is indeed multiplied in offspring and cattle; no one else becomes prior to him. / It has the Trivṛt [stoma] and the Rathantara-sāman. / Indeed, there is no stoma prior to the Trivṛt stoma; there is no pṛṣṭha prior to the Rathantara pṛṣṭha; there is no deity prior to Prajāpati. / Because these are without predecessor (apūrva), it is therefore called Apūrva. / Moreover, Prajāpati is the mind. / Indeed, nothing whatever is prior to the mind. / Therefore also it is called Apūrva. / It has the Trivṛt [stoma]; the Trivṛt is deficient. / Deficient is procreation: [he reflects,] 'May that which is procreation procreate me.' / Its pṛṣṭha is the Rathantara; the Rathantara is procreation: [he reflects,] 'May that which is procreation procreate me.' / It has twelve stotras; the year has twelve months. / The year is procreation: [he reflects,] 'May he who is procreation procreate me.' / It has twenty-four chantings and recitations; the year has twenty-four half-months. / The year is procreation: [he reflects,] 'May he who is procreation procreate me.'