Jaiminīya (Talavakāra) Brāhmaṇa 3.185
Jaiminīyabrāhmaṇa 3.185
- Language
- Sanskrit
3.185
atha gauṅgavaṃ yatsāma devatā praśaṃsati
sāmaitaddevatā praśaṃsati tena yajamānāssatyāśiṣo bhavanti
devāsurāḥ paśuṣvaspardhanta
te'surāḥ paśubhissaha samudramabhyavāyan
te devā akāmayanta vṛñjīmahyasurāṇāṃ paśūniti
ta etatsāmāpaśyan
tenāstuvata
tenāsurāṇāṃ paśūnavṛñjata
te'bruvangāṃ gāṃ vāvāsurāṇāmavṛkṣmahīti
tadeva gauṅgavasya gauṅgavatvam
tadetatpaśavyaṃ sāma
gāṃ-gāmeva dviṣato bhrātṛvyasya vṛṃkte'va paśūnrunddhe bahupaśurbhavati ya evaṃ veda
gauṅgavena vai devā asurānhatvā ghoṣaṃ gaṃgaṇimakurvata
tadveva gauṅgavasya gauṅgavatvam
tadu bhrātṛvyahā
hanti dviṣantaṃ bhrātṛvyaṃ ya evaṃ veda
tadūrdhvamiva ca tiryagiva ca gīyate
yadūrdhvamiva gīyate tadbṛhato rūpaṃ | yattiryagiva tadrathantarasya
etadvai samṛddhaṃ chandomānāṃ yadubhayaṃ rūpam