Jaiminīya (Talavakāra) Brāhmaṇa 3.191
Jaiminīyabrāhmaṇa 3.191
- Language
- Sanskrit
3.191
yaste mado vareṇya
ityārbhavasya pavamānasya madvatīrgāyatryo bhavanti
raso avi madaḥ
dhītamivaitadyattṛtīyasavanam
tadyadetā madvatīrbhavanti rasamevāsminnetaddadhaty | ṣavainadetena pyāyayanti
tenā pavasvāndhase
tyandhasvatīrbhavantyannaṃ vā andho'nnādyasyaivāvaruddhyai
jaghnirvṛtramamitriyam
iti bārhataṃ rūpam yadūrdhvaṃ madhyaṃdināttadetasyāhno bārhatam saṃmiślo aruṣo bhuvassūpasthābhirna dhenubhir iti vibhraṣṭamivaitadaharyatsaptamam tadyatsūpasthābhirityahna evopasthityai tāsu gāyatramuktabrāhmaṇam
athāgnerarka āgneyaṃ sāmāgneye'hankriyate
āgneyametadaharyadgāyatram
agnirhi gāyatrī
tadyadatrāgnerarkaḥ kriyate'hareva tadrūpeṇa samṛddhayanti
tenaibhyassamṛddhena svāyāṃ janatāyāmardhukaṃ bhavati
atho annaṃ vā arko'nnādyasyaivāvaruddhyai
atha somasāma
prajananaṃ vai somaḥ
prajananametadahaḥ
prajanana evaitatprajananaṃ kriyate
atho kṣatraṃ vai somaḥ
kṣatriya u vā annādyasya pradātā
sa yo'nnādyasya pradātā sa no'nnādyaṃ prayacchāditi
tadadhyardheḷaṃ bhavati paśavo vā iḷā
paśavaśchandomā -- abhipūrvāṇāmeva paśūnāmavaruddhyai