Jaiminīya (Talavakāra) Brāhmaṇa 3.207
Jaiminīyabrāhmaṇa 3.207
- Language
- Sanskrit
3.207
agniṃ vo devamagnibhissajoṣā
ityāgneyamājyaṃ bhavati rāthantaram
rāthantaraṃ hyetadahaḥ
yajiṣṭhaṃ dūtamadhvare kṛṇudhvam
yo martyeṣu nidhruvirṛtāvā tapumūrvā ghṛtānnaḥ pāvakaḥ
iti
etadvā agneḥ priyaṃ dhāma yadghṛtam
priyeṇaivainaṃ taṃ dhāmnā samṛdvayanti
prothadaśvo na yavase'viṣyann
ityaśvavadbhavati bhrātṛvyasyaivāvanuttyai
yadā mahassaṃvaraṇādvyasthād
iti mahaddhyetadaharyaccatuścatvāriṃcam
ādasya vāto anu vāti śociragha sma te vrajanaṃ kṛṣṇamastī
ti
yadā vā agniṃ vāta upavājayatyatha sa mahaddīpyate
tadetaddīptireva brahmavarcasasya rūpam
udyasya te navajātasya vṛṣṇa
iti traiṣṭubhaṃ rūpamupagacchanti
traiṣṭubha hyetadahaḥ
agne carantyajarā idhānāḥ
acchā dyāmaruṣo dhūma eṣi saṃ dūto agna īyase hi devān
iti svargasya lokasya samaṣṭyai