Mantrabrahmana 2.3
Mantrabrāhmaṇa 2.3
- Language
- Sanskrit
2.3.1
svāhā somāya pitṛmate //
2.3.2
svāhāgnaye kavyavāhanāya //
2.3.3
apahatā asurā rakṣām̐si vediṣadaḥ //
2.3.4
ye rūpāṇi pratimuñcamānā
asurāḥ santaḥ svadhayā caranti /
parāpuro nipuro ye bharanty
agniṣ ṭām̐l lokāt praṇudatv asmāt //
2.3.5
eta pitaraḥ somyāso
gambhīrebhiḥ pathibhiḥ pūrviṇebhiḥ /
dattāsmabhyaṃ draviṇeha bhadram̐
rayiṃ ca naḥ sarvavīraṃ niyacchata //
2.3.6
atra pitaro mādayadhvam̐
yathābhāgam āvṛṣāyadhvam //
2.3.7
amīmadanta pitaro
yathābhāgam āvṛṣāyiṣata //
2.3.8
namo vaḥ pitaro jīvāya
namo vaḥ pitaraḥ śūṣāya //
2.3.9
namo vaḥ pitaro ghorāya
namo vaḥ pitaro rasāya //
2.3.10
namo vaḥ pitaraḥ svadhāyai
namo vaḥ pitaro manyave //
2.3.11
namo vaḥ pitaraḥ pitaro namo vaḥ //
2.3.12
gṛhān naḥ pitaro datta //
2.3.13
sado vaḥ pitaro deṣma //
2.3.14
etad vaḥ pitaro vāsaḥ //
2.3.15
ūrjam̐ vahantīr amṛtaṃ ghṛtaṃ payaḥ
kīlālaṃ parisrutam̐ svadhā stha /
tarpayata me pitîṛn //
2.3.16
ādhatta pitaro garbhaṃ
kumāraṃ puṣkarasrajam /
yatheha puruṣaḥ syāt //
2.3.17
abhūn no dūto haviṣo jātavedā
avāḍ ḍhavyāni surabhīṇi kṛtvā /
prādāt pitṛbhyaḥ svadhayā te akṣan
prajānann agne punar ehi yonim //
2.3.18
vaha vapāṃ jātavedaḥ pitṛbhyo
yatraitān vettha nihitān parācaḥ /
medasaḥ kulyā abhi tān sravantu
satyā eṣām āśiṣaḥ santu kāmāḥ // svāhā //
2.3.19
jātavedo vapayā gaccha devām̐s
tvam̐ hi hotā prathamo babhūva /
satyā vapā pragṛhītā me astu
samṛdhyatāṃ me yad idaṃ karomi //
2.3.20
yat kusīdam apradattaṃ mayeha
yena yamasya nidhinā carāṇi /
idaṃ tad agne anṛṇo bhavāmi
jīvann eva prati tat te dadāmi //
2.3.21
ekāṣṭakā tapasā tapyamānā
jajāna garbhaṃ mahimānam indram /
tena devā asahanta śatrūn
hantāsurāṇām abhavac chacībhiḥ //
Commentaries (1)
- Padapāṭha (sandhi-resolved text, TITUS) — Sanskrit
Linked texts (5)
- Chāndogyabrāhmaṇa — Sanskrit
- Paippalādasaṃhitā — Sanskrit
- Pāraskaragṛhyasūtra — Pāraskara, Sanskrit
- Subodhinīpaddhati — Śivarāma 1615, Sanskrit
- Kalpaḥ — Sanskrit