Kalpah 2.6.2.p50

2.6.2.p50

yadantarikṣamiti paṅktyā gārhapatyamupatiṣṭhate .
abhūnno dūto haviṣo jātavedā avāḍḍhavyāni surabhīṇi kṛtvā . prādāḥ pitṛbhyaḥ svadhayā te akṣanprajāna- nnagne punarapyeti devānityekolmukaṃ pratyapisṛjya .
abhyukṣya dvaṃdvaṃ pātrāṇi pratyāharati .
sthālyāṃ piṇḍānpratyavadadhāti .
apāṃ tvauṣadhīnām̐ rasaṃ prāśayāmi bhūtakṛtaṃ garbhaṃ dhatsveti madhyamaṃ piṇḍaṃ patnyai prayacchati .
ādhatta pitaro garbhaṃ kumāraṃ puṣkarasrajam . yatheha puruṣo'saditi patnī prāśnāti .
pumām̐saṃ janayati .
ye samānāḥ samanasaḥ pitaro yamarājye . teṣāṃ lokaḥ svadhā namo yajño deveṣu kalpatām . ye sajātāḥ samanaso jīvā jīveṣu māmakāḥ . teṣām śrīrmayi kalpatāmasmim̐lloke śatam̐ samā iti sakṛdācchinnānabhyukṣyāgnāvādadhāti .