Samavidhi 12
Sāmavidhi 12
- Language
- Sanskrit
Contents
- 12.8 — 2 parts
12.1
6. ājiśīrṣaṃ gatvā trīniṣūnasyedutvā mandantu
somā (grāma. 5. 9. 194. 1) ityetena | jayati na parājīyate
7. saṃdarśane dhūmrāyāḥ goḥ sarūpavatsāyā ghṛtadroṇaṃ
juhuyāt satyamityeti rahasyena | jayati na parājīyate
8. bādhakamayīnā samidhāṃ ghṛtāktānā sahasraṃ
juhuyādabhi tvā pūrvapītaya (grāma. 7.3.256.1) iti | vaṣaṭkāraṃ
cāsya nidhanaṃ kuryāt | jayati na parājīyate
9. saidhrakamayīnā samidhāṃ ghṛtāktānā સહસં
juhuyādabhi tyaṃ meṣamitīndra iva dasyū pramṛṇa iti cāsya
nidhanaṃ kuryāt | jayati na parājīyate
12.2
10. saptarātropoṣitaḥ saptamukhyānuddiśya sadyaḥpīḍitena sarṣapatailena saptahenāhutisahasraṃ juhuyāt
saptarātrānna bhavanti
11. hastyaśvarathapadātīnāṃ piṣṭamayīḥ pratikṛtīḥ
kṛtvā piṣṭasvedaṃ svedayitvā sarṣapatailenābhyajya tāsāṃ
kṣureṇāṅgānyavadāyāgnau juhuyādabhi tvā śūra nonuma iti
rahasyena yatra hīśabdaḥ | yāvatāṃ juhoti sarve na bhavanti
12.3
12. trirātropoṣitaḥ kṛṣṇacaturdaśyāś śavādaṅgāramāhṛtya catuṣpathe bādhakamidhmamupasamādhāya vaibhītakena sruveṇa
sarṣapatailenāhutisahasraṃ juhuyāt saṃmīlyena yatra vṛścaśabdaḥ
syāt (ā. gā. 2. 7. 51. 6) | tatra puruṣaḥ śūlahasta uttiṣṭhati
taṃ brūyādamuṃ jahīti | hantyenam
13. āmagarbhasya vā kṣureṇāṅgānyavadāyāgnau
juhuyāt kakṣavargyaiścaturbhiḥ sapatnaṃ manasā dhyāyansadyo na
bhavati sadyo na bhavati
12.1-2
6
ṣaṣṭho'nuvākaḥ
1. atha yaḥ kāmayetāmuhyansarvāṇyā janitrāṇi
parikrāmeyamiti mahe no adya bodhayetyetat sadā prayuñjītāntavelāyāṃ caitat smaredamuhyansarvāṇyā janitrāṇi
parikrāmati
12.2-2
2. atha yaḥ kāmayeta sarvatrāgnirme jvalediti
saṃvatsara śirasāgniṃ dhārayedama ā yāhi vītaya iti
prathameno-(grāma. 1.1.1.1)patiṣṭhed ; dvitīyena (grāma. 1. 1. 1.2)
pariharet ; tṛtīyena (grāma. 1. 1. 1. 3) paricaret | sarvatra
hāsya jvalati yadicchati taddahati
12.3-2
3. atha yaḥ kāmayeta piśācān guṇībhūtān
paśyeyamiti saṃvatsaraṃ caturthe kāle bhuñjānaḥ kapālena bhaikṣaṃ
caran prāṇāḥ śiśur (grāma. 17. 10. 570. 5) ityantya sadā
sahasrakṛtvaḥ āvartayan paśyati
4. ayācitametena kalpena dvitīyaṃ prayuñjānaḥ
pitṝn paśyati
5. saṃvatsaramaṣṭame kāle bhuñjānaḥ pāṇibhyāṃ pātrārthaṃ
kurvāṇo vṛtrasya tvā śvasathādīṣamāṇāḥ (grāma. 8.10.324. 1-2)
ityetayoḥ pūrvam̐ sadā sahasrakṛtva āvartayan gandharvāpsarasaḥ
paśyati
6. ayācitametena kalpena dvitīyaṃ prayuñjāno
devān paśyati
12.4
7. yadvarca iti diśāṃvrataṃ daśānugānametena
kalpena catvāri varṣāṇi prayuñjīta | nidhayo'sya prakāśante
ye daivāstāṃstena
8. māsamupavasedekamekamayācitaṃ bhuñjīta mayi varca
ityetena kalpena catvāri varṣāṇi prayuñjīta | nidhayo'sya
prakāśante ye pṛthivyām
12.5
9. aṣṭarātropoṣito'māvāsyāyāṃ mukha ājyaṃ
kṛtvā agniṃ nara ityetayoḥ pūrvaṃ manasānudrutyānte svāhākāreṇāgnau juhuyād | vyuṣṭāyāṃ rātrau bhūtau [paśyati |] pañca
hāsya kārṣāpaṇā bhavanti | vyayakṛtāśca punarāyanti
mūlamaśūnyaṃ kuryāt
10. gavāṃ praviśantīnāṃ yā paścāt syāttasyāḥ
śiro'bhyanumṛjya pucchamanumṛjya pāṇī saṅkṛtyānaṅgamejayastiṣṭhet sarvā rātrīṃ dvitīyamāvartayan | jambhakā hāsya
sārvakāmikā bhavanti sārvakāmikā bhavanti
12.8
7
saptamo'nuvākaḥ
1. atha yaḥ kāmayeta punarna pratyājāyeyamiti
2. rātriṃ prapadye punarbhūmmayobhūṅkanyāṃ śikhaṇḍinīṃ
pāśahastāṃ yuvatiṃ kumāriṇīmādityaścakṣuṣe vātaḥ prāṇāya
somo gandhāyāpaḥ snehāya mano'nujñāya pṛthivyai śarīram
3. sā hainamuvācāsminsaṃvatsare mariṣyasyasminnayane'sminnṛtāvasmin māse'sminnarddhamāse'smin dvādaśarātre'smin ṣaḍrātre'smim̐strirātre'smin dvirātre'sminnahorātre'sminnahanyasyām̐ rātrāvasyāṃ velāyāmasmin muhūrte mariṣyasyehi svargaṃ lokaṃ gaccha devalokaṃ vā brahmalokaṃ vā kṣatralokaṃ
vā virocamānastiṣṭha virocamānāmehi yoniṃ praviśa
4. nāhaṃ yoniṃ pravekṣyāmi bhūtottamāyā brahmaṇo
duhituḥ saṃrāgavastrāyā jāyate mriyate saṃdhīyate ca
5. rātristu mā punātu rātriḥ khametat puṣpāntaṃ
yatpurāṇamākāśaṃ tatra me sthānaṃ kurvapunarbhavāyāpunarjanmana
etāvadeva rātrau rātrervrataṃ ca rātrervrataṃ ca
12.8.p1
etāvadeva rātrau rātrervrataṃ ca
12.8.p2
[iti]
Linked texts (2)
- Sāmavidhānabrāhmaṇa — Sanskrit
- Sāmavedasya Brāhmaṇānyaṣṭau — Sanskrit