Samavidhi 9
Sāmavidhi 9
- Language
- Sanskrit
9.1
śyaitaṃ (grāma. 6. 1. 235. 3) mahānāmnyo (ā. gā. pariśiṣṭa 1-3)
yajñāyajñīyam (grāma. 1. 4. 35. 4) ityeteṣāmekasanekaṃ vā
sarvāṇi vā prayuñjāno brahmavarcasī bhavati
9.2
2. kastamindre-(grāma. 7. 5, 280. 1-2)-ti dvikaṃ
prayuñjāno brahmavarcasī bhavati | śraddhā cāsya bhavati
3. jagṛmbhā ta (grāma. 8. 9. 317. 1-5) iti ṣaḍvargaṃ
prayuñjāno brahmavarcasī bhavati
9.3
4. aṣṭarātropoṣito brāhmīmutthāpya prajāpaterhṛdayenā-(ā. gā. 5. 8. 243-stoma)-bhigīya sahasrakṛtvaḥ
prāśnīyācchrutanigādī bhavati
5. puṣpāṇi vāsyā udakena saṃvatsaraṃ yaṇvena
prāśnīyācchrutanigādī bhavati
6. māsa somabhakṣaḥ syātsadasaspatimadbhutam
(grāma. 5. 6. 171. 1) ityetena śrutanigādī bhavati
7. sadā vaitatprayuñjīta | śrutanigādī bhavati
8. bhāradvājikāyā jihvāmutthāpya tadahaścūrṇaṃ
kārayitvā madhusarpirbhyā saṃyūya prāgannaprāśanāt kumāraṃ
prāśayedindramidgāthino bṛhādityetena śrutanigādī bhavati
9. haridrāyāstulāvarāddhaṃ cūrṇayitvaitenaiva kalpena
saṃvatsaraṃ yaṇvena prāśnīyācchrutanigādī bhavati
10. vacāmetena kalpena vācovratena pūrveṇa
prāśnīyācchrutanigādī bhavati
11. matsyākṣakaśaṅkhapuṣpīvacākeraḍīghṛtāni bārhadgireṇābhijuhuyāt sahasrakṛtvaḥ śaṇāvaram | etenaiva
prāśnīyāt | śrutanigādī bhavati
9.4
12. vacāyāstrivṛtaṃ kārayenmaṇimagniṃ pratiṣṭhāpyāvṛtā
hutvā maṇiṃ nidhāya vācovratenottareṇābhijuhuyāt
sahasrakṛtvaḥ śatāvaram | taṃ maṇiṃ kaṇṭhena śirasā vā dhārayan
kathāsu śreyān bhavati
9.5
13. vacāṃ madhukamityete āsye'vadhāyāpāṃ
phenenetyetanmanasānudrutyānte svāhākāreṇa nigīrya
rājanvānahamarājakastvamasītyuktvā vivadet | parṣadi rājani
cottaravādī bhavatyuttaravādī bhavati
Linked texts (2)
- Sāmavedasya Brāhmaṇānyaṣṭau — Sanskrit
- Sāmavidhānabrāhmaṇa — Sanskrit