Pañcaviṃśa (Tāṇḍya Mahā) Brāhmaṇa 11

11

(PB 2.1.1) tisṛbhyo hiṅ karoti sa prathamayā tisṛbhyo hiṅ karoti sa madhyamayā tisṛbhyo hiṅ karoti sa uttamayodyatī trivṛto viṣṭutiḥ
(PB 2.1.2) jyeṣṭho jyaiṣṭhineya stuvīta
(PB 2.1.3) agrād agraṃ rohaty abhikrāmantī viṣṭutir abhikrāmantyā evābhikrāntena hi yajñasyardhnoti tasmād etayā stotavyam ṛddhyā eva
(PB 2.1.4) pāpavasīyaso vidhṛtir vipāpmanā vartate ya etayā stute nāvagato 'pa rudhyate nāparuddho 'va gacchati / na śreyāṃsaṃ pāpīyān abhyā rohati na janatā janatām abhy eti nānyo 'nyasya prajā ā dadate yathākṣetraṃ kalpante / avarṣukas tu parjanyo bhavatīme hi lokās tṛcas tān hiṅkāreṇa vy eti
(PB 2.1.5) eṣā vai pratiṣṭhitā trivṛto viṣṭutiḥ prati tiṣṭhati ya etayā stute