Pañcaviṃśa (Tāṇḍya Mahā) Brāhmaṇa 18

18

(PB 2.8.1) eṣa eva vyūhaḥ saptaikamadhyā
(PB 2.8.2) brahmaṇo vā āyatanaṃ prathamā kṣatrasya madhyamā viśa uttamā yat prathamā bhūyiṣṭhā bhājayati brahmaṇy eva tad ojo vīryaṃ dadhāti brahmaṇa eva tat kṣatraṃ ca viśaṃ cānuge karoti kṣatrasyāsya prakāśo bhavati ya etayā stute
(PB 2.8.3) tām etāṃ trikharvā upāsate tasmāt te spardhamānā na vlīyante
(PB 2.9.1) saptabhyo hiṅ karoti sa tisṛbhiḥ sa tisṛbhiḥ sa ekayā tisṛbhyo hiṅ karoti parācībhiḥ saptabhyo hiṅ karoti sa ekayā sa tisṛbhiḥ sa tisṛbhiḥ saptāsthitā
(PB 2.9.2) bhrātṛvyaṃ stuvīta yathā saptāsthitena matyena samī karoty evaṃ pāpmānaṃ bhrātṛvyaṃ pra rujati
(PB 2.9.3) etām eva bahubhyo yajamānebhyaḥ kuryād yaḥ prathamo hiṅkāraḥ sa prathamāyā yattāṃ saptabhyo hiṅ karoti tena sā sapta bhajate yat saptaiva madhye sapadyante tena sā sapta bhajate ya uttamo hiṅkāraḥ sa uttamayā yattāṃ saptabhyo hiṅ karoti tena sā sapta bhajate sarvān evainān samāvadbhājaḥ karoti nānyo 'nyam apa ghnate samāvadindriyā bhavanti
(PB 2.9.4) tām etām abhipratāriṇa upāsate tasmāt ta ojiṣṭhāsvānām