Pañcaviṃśa (Tāṇḍya Mahā) Brāhmaṇa 186
Pañcaviṃśabrāhmaṇa 186
- Language
- Sanskrit
186
(PB 17.8.1) jyotiṣṭomenāgniṣṭutā yajñavibhraṣṭo yajeta
(PB 17.8.2) yasmin vā yajñakratau vibhraṃśeta
(PB 17.8.3) agnir vā etasya havyam atti yo yajñe vibhraṃśate na devatā havyaṃ gamayaty agnim evaikadhardhnoti
(PB 17.8.4) yad vai saṃśīryate 'thānyan niṣkurvanti tena tad yāti yadā vāva tan niṣkurvanty atha tad yāti yeṣv eva stomeṣu vibhraṃśate yasmin yajñakratau tair eva yajeta yeṣv eva stomeṣu vibhraṃśate yasmin yajñakratau teṣv eva pratitiṣṭhati