Pañcaviṃśa (Tāṇḍya Mahā) Brāhmaṇa 210

Pañcaviṃśabrāhmaṇa 210

Language: Sanskrit

210

(PB 19.8.1) athaiṣo 'pacitir apacitikāmo yajetāpacityaivāsmā apacitiṃ vindati
(PB 19.8.2) tasya caturviṃśau pavamānau caturviṃśatyakṣarā gāyatrī tejo brahmavarcasaṃ gāyatrī tejasaivāsmai brahmavarcasenāpacitiṃ vindati
(PB 19.8.3) ubhe bṛhadrathantare bhavata ubhābhyām evāsmai bṛhadrathantarābhyām apacitiṃ vindati
(PB 19.8.4) bhargayaśasī bhavato bhargeṇaivāsmai bhargo dadhāti yaśasā yaśaḥ
(PB 19.8.5) ubhaye stomā yugmantaś cāyujaś cobhayair evāsmai stomair apacitiṃ vindati
(PB 19.8.6) tad āhur vilomāna stomā īśvarā yajamānaṃ vikṣetor vi hy atiyantīti
(PB 19.8.7) ekaviṃśo 'gniṣṭomo bhavati pratiṣṭhā vā ekaviṃśo 'ntata eva yajñasya pratitiṣṭhati

Previous: 209
Next: 211

Commentaries (1)

Tāṇḍyamahābrāhmaṇabhāṣya (Sāyaṇa) — Sāyaṇa, Sanskrit

Linked texts (1)

Sāmavedabrāhmaṇānyaṣṭau — Sanskrit