Pañcaviṃśa (Tāṇḍya Mahā) Brāhmaṇa 268

268

(PB 22.18.1) abhyāsaṅgyaḥ ṣaḍahas trayaś chandomāś catuṣṭomo 'gniṣṭomo viśvajid atirātraḥ
(PB 22.18.2) svārājyo vā eṣa yajñaḥ
(PB 22.18.3) svārājyaṃ gacchati ya evaṃ veda
(PB 22.18.4) prajāpatir hi svārājyaṃ parameṣṭhī svārājyam
(PB 22.18.5) parameṣṭhitāṃ gacchati ya evaṃ veda
(PB 22.18.6) ubhe bṛhadrathantare bhavatas tad dhi svārājyam ayutaṃ dakṣiṇās tad dhi svārājyaṃ ṣaḍviṃśastomo bhavati sa hi svārājyaṃ catuṣṭomastomaḥ sa hy anto 'nte śriyā gacchati ya evaṃ veda
(PB 22.18.7) etena vai kṣema dhṛtvā pauṇḍarīkaṃ iṣṭvā sudāmnas tīra uttare
(PB 22.18.8) sarvām ṛddhim ārdhnot sarvāmṛddhim ṛdhnoti ya evaṃ veda