Pañcaviṃśa (Tāṇḍya Mahā) Brāhmaṇa 277
Pañcaviṃśabrāhmaṇa 277
- Language
- Sanskrit
277
(PB 23.9.1) atirātro jyotir gaur āyus tryaho dvādaśāhasya daśāhāny atirātraḥ prajākāmā upeyuḥ
(PB 23.9.2) etābhir vai prajāpatiḥ prajā asṛjata pra prajayā pra paśubhir jāyante ya etā upayanti
(PB 23.9.3) yat jyotir gaur āyus tryahaḥ prajātān stomān upayantīmān eva lokān eṣv eva lokeṣu pratitiṣṭhanti
(PB 23.9.4) atha yāni dvādaśāhasya daśāhāni vācam avicchinnām upayanti prajananāya
(PB 23.9.5) etā vai pratiṣṭhitāḥ pañcadaśa rātrayaḥ pratitiṣṭhanti ya etā upayanti
Commentaries (1)
- Tāṇḍyamahābrāhmaṇabhāṣya (Sāyaṇa) — Sāyaṇa, Sanskrit