Pañcaviṃśa (Tāṇḍya Mahā) Brāhmaṇa 284
Pañcaviṃśabrāhmaṇa 284
- Language
- Sanskrit
284
(PB 23.16.1) atirātraḥ pṛṣṭhayaḥ ṣaḍahas trayaḥ svarasāmāno divākīrtyam ahas trayaḥ svarasāmānaḥ pṛṣṭhayaḥ ṣaḍahas trayastriṃśārambhaṇo 'tirātro brahmavarcasakāmā upeyuḥ
(PB 23.16.2) svarbhānur vā āsuraḥ sūryaṃ tamasāvidhyat tasmai devāḥ prāyaścittim aicchaṃs ta etā avindaṃs tābhir asmāt tamo 'pāghnan
(PB 23.16.3) apa tamo ghnate ya etā upayanti
(PB 23.16.4) saumāpauṣaṃ paśum upālabhyam ālabheran
(PB 23.16.5) somo vai brāhmaṇaḥ paśavaḥ pūṣā svām eva tad devatāṃ paśubhir baṃhayante tvacam evākrata
(PB 23.16.6) manor ṛcaḥ sāmidhenyo bhavanti
(PB 23.16.7) manur vai yat kiṃ cāvadat tad bheṣajaṃ bheṣajatāyai
(PB 23.16.8) naidādhīya upeyuḥ
(PB 23.16.9) tad dhy eṣa prati tejiṣṭhaṃ tapati
(PB 23.16.10) kilāsatvāt tu bhayam ati hy ebhyo 'pahanti
(PB 23.16.11) etā vā ugradevo rājanir upait sa kilāso 'bhavat
(PB 23.16.12) akilāso bhavati ya evaṃ vidvānetā upaiti