Pañcaviṃśa (Tāṇḍya Mahā) Brāhmaṇa 308

308

(PB 24.15.1) atirātro nava trivṛnty ahāny agniṣṭomamukhaṣ ṣaḍaho 'tha yāni trīṇy ahāny agniṣṭomāv abhita ukthyaṃ madhyato nava pañcadaśāny ahāny agniṣṭomam ukhaḥ ṣaḍaho 'tha yāni trīṇy ahāny agniṣṭomāv abhita ukthyaṃ madhyato nava saptadaśāny ahāny agniṣṭomamukhaḥ ṣaḍaho 'tha yāni trīṇy ahāny agniṣṭomāv abhita ukthyaṃ madhyato navaikaviṃśāny ahāny agniṣṭomamukhaḥ ṣaḍaho 'tha yāni trīṇy ahāny agniṣṭomāv abhita ukthyaṃ madhyato dvādaśāhasya daśāhāni mahāvrataṃ cātirātraś ca
(PB 24.15.2) etābhir vai savitā sarvasya prasavam agacchat
(PB 24.15.3) sarvasya prasavaṃ gacchanti ya etā upayanti
(PB 24.15.4) yad gaṇaśaḥ stomā bahava eva bhavanti saha trivṛtaḥ saha pañcadaśāḥ saha saptadaśāḥ sahaikaviṃśāḥ savitur vā etāḥ kakubhaḥ
(PB 24.15.5) kakubhaḥ samānānāṃ ca prajānāṃ ca bhavanti ya etā upayanti