Pañcaviṃśa (Tāṇḍya Mahā) Brāhmaṇa 329

329

(PB 25.16.1) gavām ayanaṃ prathamaḥ saṃvatsaro 'thādityānām athāṅgirasām
(PB 25.16.2) etena vai gāvaḥ prajātiṃ bhūmānam agacchan prajāyante bahavo bhavanti ya etad upayanty etena vā ādityā eṣu lokeṣu pratyatiṣṭhan pratitiṣṭhanti ya etad upayanty etena vā aṅgirasaḥ svargaṃ lokam āyan svargaṃ lokaṃ yanti ya etad upayanti
(PB 25.16.3) para āhṇāras trasadasyuḥ paurukutso vītahavyaḥ śrāyasaḥ kakṣīvān auśijas ta etat prajātikāmāḥ sattrāyaṇam upāyaṃs te sahasraṃ sahasraṃ putrān apuṣyann evaṃ vāva te sahasraṃ sahasraṃ putrān puṣyanti ya etad upayanti