Pañcaviṃśa (Tāṇḍya Mahā) Brāhmaṇa 58

58

(PB 6.2.1) yo vai stomān upadeśanavato vedopadeśanavān bhavati
(PB 6.2.2) prāṇo vai trivṛd ardhamāsaḥ pañcadaśaḥ saṃvvatsaraḥ saptadaśa āditya ekaviṃśa ete vai stomā upadeśanavanta upadeśanavān bhavati ya evaṃv veda
(PB 6.2.3) ime vai lokās triṇavas triṇavasya vai brāhmaṇeneme lokās triṣ punar navā bhavanti
(PB 6.2.4) eṣu lokeṣu pratitiṣṭhati ya evaṃv veda
(PB 6.2.5) devatā vāva trayastriṃśo 'ṣṭau vasava ekādaśa rudrā dvādaśādityāḥ prajāpatiś ca vaṣaṭkāraś ca trayastriṃśau
(PB 6.2.6) sa devena yajñena yajate ya evaṃv veda
(PB 6.2.7) yo vā adhipatiṃ vedādhipatir bhavati trayastriṃśo vai stomānam adhipatiḥ puruṣaḥ paśumān
(PB 6.2.8) tasmān nyañco 'nye paśavo 'danty ūrdhvaḥ puruṣo 'dhipatir hi saḥ
(PB 6.2.9) adhipatiḥ samānānāṃ bhavati ya evaṃv veda