Ṣaḍviṃśa Brāhmaṇa ("26th" book) 1

Ṣaḍviṃśabrāhmaṇaṭīkā 1

Language: Sanskrit

1.p1

vāgīśādyāḥ sumanasaḥ sarvārthānāmupakrame | yaṃ natvā kṛtakṛtyāḥ syustaṃ namāmi gajānanam |

1.p2

2 || tatkaṭākṣeṇa tadrūpaṃ dadhad bukkamahīpatiḥ | ādiśat sāyaṇācāryaṃ vedārthasya prakāśane |

1.p3

3 || ye pūrvottaramīmāṃse te vyākhyāyātisaṃgrahāt | kṛpāluḥ sāyaṇācāryo vedārthaṃ vaktumudyataḥ |

1.p4

4 || vyākhyātāvṛgyajurvedo sāmavede'pi saṃhitā | vyākhyātā brāhmaṇaṃ cādyaṃ prauḍhaṃ vyākhyātamādarāt |

5 || atha dvitīyaṃ ṣaḍviṃśabrāhmaṇaṃ vyācikīrṣati || asmin tāṇḍakaśeṣe brāhmaṇe pūrvatrānuktāni karmāṇi, uktānāmapi ye bhedāste ca varṇyante | tatra prathamaṃ subrahmaṇyocyate | tataḥ savanatraye vijñeyam |

1.p6

tato viśvarūpāgānam | tato brahmakartavyam | tato vyāhṛtihomādikaṃ naimittikaṃ prāyaścittam | tataḥ saumyacaruvidhiḥ | tato bahiṣpavamānadharmāḥ | tataḥ kiṃcit prakīrṇakam | tato hotrādyupahvahāḥ | tataḥ ārtvijyeṣu ṛtvigādivijñeyam | tato naimittikā homāḥ | atha ṛtvigvaraṇapraśaṃsā | tato devayajane vijñeyaṃ karma | tato'vabhṛthaḥ | tato'bhicārādisaṃśritā viṣṭutayaḥ | tato dvādaśāhādistutiḥ | tataḥ śyenādividhiḥ | tato vaiśvadevaṃ satantram | tato'gnihotrapraśaṃsā | tata audumbarīvidhiḥ | tato yūpavidhiḥ | atha saṃdhyāvidhiḥ | tataḥ somotpattiḥ | tataḥ svāhālakṣaṇam | tato'dbhutaśāntiḥ sāmānyaviśeṣabhāvena dvividhā | ityevaṃ pratipādyamānānāmarthānāmanukramaṇikā || tatra prathamaṃ tāvadutkare tiṣṭhan subrahmaṇyo nāma ṛtvik subrahmaṇyāmāhvayatīti vivakṣayā idamāmnāyate—

1.1

yasya niḥśvasitaṃ vedā yo vedebhyo'khilaṃ jagat | nirmame tamahaṃ vande vidyātīrthaṃ maheśvaram |
agre sargādau | nirupapadasyāgraśabdasya tadarthatvāt | idaṃ vakṣyamāṇaṃ brahma ca subrahma ca ete vai brahmasubrahmaṇyau dve eva āstām abhūtām || |
tataḥ kimityata āha—

1.2

tataḥ anantaraṃ subrahma devebhyaḥ sakāśāt udakrāmat udagacchat |
tato'pi kimityatrāha—

1.3

atha ha subrahmaṇi devebhyaḥ utkrānte sati anantarameva svayamapyutkramiṣṇu brahma devāḥ vasvādayaḥ yajñena paryagṛhṇata parigṛhītavantaḥ |
atra kiṃ brahmaśabdenocyate kiṃ ca subrahmaśabdeneti atrāha—

1.4

agnirvai agnireva brahmaśabdavācyaḥ | mukhyatvāt agnimukhā vai devā iti śruteḥ | asau indrātmā ādityaḥ subrahma etadvācyaḥ | tathā ca indraṃ prakṛtya śrūyate asāvāditya iti | tathā mantrāntaramapi—yadadya kacca vṛtrahannudagā abhisūrya | sarvaṃ tadindra te vaśe || (sā. 126) iti | indrasya ca subrahmatvaṃ sarvadevādhipatyāt |
tato devāḥ kimakārṣurityatrāha—

1.5

tad utkrāntaṃ subrahma indrādayo devā yajñasya saṃdhau saṃdhātari vakṣyamāṇe utkaradeśe anvaicchan anveṣaṇamakārṣuḥ |
ko'sau yajñasya saṃdhiḥ ? tatrāha—

1.6

eṣa vai ayameva yajñasya saṃdhiḥ saṃdhātā yatra yasmin deśe utkaraḥ somamuddhṛtya kīryante pāṃsavo'sminniti utkaraḥ | vederuttarataḥ pūrvo bhāgaḥ |
astu | prakṛte kimāyātamityata āha—

1.7

yasmād yajñasya saṃdhirutkaraḥ tasmāt tatra utkare taddeśe tiṣṭhan subrahmaṇyo nāma ṛtvik subrahmaṇyāṃ, subrahmaṇi indre sādhuriti subrahmaṇyānigado niyatastrīliṅgaḥ, tām āhvayati | tatpāṭhenoddeśyāṃ devatām indrarūpāām āhvayatītyarthaḥ |
āhvānaprakāraṃ darśayati—

1.8

subrahmaṇyomiti padaṃ striyamivādarapūrvakaṃ trirāha triḥ paṭhet |
kuta ityatrāha—

1.9

hiśabdo hetau | yasmād devāḥ triṣatyāḥ trīṇi manovākkāyakarmāṇi satyāni avisaṃvādīni yeṣāṃ devānāṃ te triṣatyāḥ | tasmādatipraśastatvāt
trirāhnānaṃ kartavyamityarthaḥ | hetuvannigado'yamarthavādaḥ | tena hyannaṃ kriyata itivat | na tu hetuḥ | hetutve hetusāpekṣatve vā nairapekṣyalakṣaṇaṃ prāmāṇyaṃ na saṃbhavediti |
nigadaśeṣamupādāyopādāya vyācikhyāsayā prathamaṃ tāvadindrāgaccheti padadvayaṃ vyākhyātumupādatte— 5

1.10

tadvyācaṣṭe—

1.11

indrāgaccheti subrahmaṇyo yadyadāha etadvai idameva asya indrasya pratyakṣaṃ 10 nāma tat tadā tenaiva enaṃ prakṛtatvādnvādeśaviṣaye enādeśaḥ | enamindramāhvayati |
punarnigadaśeṣaṃ vyākhyātumupādatte —

1.12

he harivaḥ | matuvaso ruḥ saṃbuddhau chandasi (pā. 8. 3. 1) iti 15 nakārasya ruḥ | harivannāgaccheti |
tad vyācaṣṭe—

1.13

pūrvāparapakṣau śuklakṛṣṇapakṣāvevendrasya harī aśvau ādityātmakatvādindrasya tayorharitvapratipādanam | hi yasmāt tābhyāṃ pūrvapakṣāparapakṣābhyām 20 idaṃ sarvaṃ jagaddharati kālātmakatvena niyacchatīti |
nigadaśeṣāntaramupādatte—

1.14

tad vyācaṣṭe-

1.15

kāṇvāyanaṃ kaṇvasya putrāpatyaṃ medhātithiritināmānam ṛṣimū indro meṣo meṣarūpadhārī jahāra ha svargaṃ nināya kila | tathā ca bahvṛcā āmananti—itthā dhīvantamadrivaḥ kāṇvaṃ medhyātithiṃ meṣo bhūto'bhi yannayaḥ | (ṛ. ve. 8. 2. 40) iti | ato medhātithermeṣeti indraḥ saṃbodhyate |
punarapi nigadaśeṣamupādatte-

1.16

tad vyācaṣṭe—

1.17

menākhyasya vṛṣaṇaśvasya vṛṣaṇaśva ityaparanāmadheyasya rājarṣeḥ menakā nāma kācid duhitā āsa babhūva | tāṃ menakām indraścakame ha kāmitavān kila | anena saṃvandhena vṛṣaṇaśvasya mena iti indra upacāreṇāmantryate | tathā ca bahvṛcā āmananti—menābhavo vṛṣaṇaśvasya sukrato (ṛ. ve. 1. 51. 13) iti |
bhāgāntaramupādatte-

1.18

tad vyācaṣṭe—

1.19

1.20

bahulavacanāt ṣaṣṭhyarthe caturthī | ahalyāyāḥ jāretyarthaḥ |
tad vyāṣṭe-

1.21

indraḥ kila maitreyyāḥ, mitrāyā duhitā maitreyī tasyāḥ ahalyāyāḥ jāra upapatirāsa babhūva |
aṃśāntaramupādatte-

1.22

tad vyācaṣṭe-

1.23

1.24

1.25

devāsurā ha devāścāsurāśca | kim (!) saṃyattāḥ parasparaṃ yoddhumudyuktāḥ āsan babhūvuḥ | tānantareṇa teṣāṃ madhye | antarāntareṇa yukte (pā. 2. 3. 4) iti dvitīyā | gautamo nāma ṛṣiḥ śaśrāma śrāntaḥ san upāviśat | taṃ gautamamupetya upagamya indraḥ evamuvāca | asurāḥ bhavantaṃ bādheran | ata ihaiva naḥ asmākaṃ spaśaścāro bhūtvā bhavān caratviti | evamuktavantamindramṛṣirāha ahamevaṃ cārarūpeṇa vartituṃ notsahe utsāhaṃ na karomīti | atha gautamavacanādanantarama indro bravīti | tarhi ahaṃ bhavato
rūpeṇa spaśaḥ san carāṇīti | tadanumanyatāṃ bhavāniti | punargautamo bravīti he indra tvaṃ yathā yena prakāreṇa carituṃ manyase tathā careti | paścādindrastathaivācaraditi śeṣaḥ | sa indraḥ tat tadānīṃ gautamo'ham iti svayaṃ vadan gautamarūpeṇa gautama iti janairucyamāno vā cacāreti yat tadevācaraṇamāha gautameti | gautamabruvāṇeti padasya ekadeśopādānam |
pratīkataḥ nigadaśeṣamupādatte—

1.26

he maghavan dhanavan indra ityahe etāvadahe dyahe tryahe'tikrānte sutyāmāgaccha | paredyuḥ sutyā cet śvaḥ sutyāmāgacchetyādeśaḥ kāryaḥ | tathā ca jaiminiḥ—śvaḥ sutyāmityaupavasathye nirdiśet iti | sutyā samāne'hani tu adya sutyāmāgacchetyādeśaḥ kāryaḥ | tathā drāhmāyaṇaḥ—adyeti samānāhani (lā. śrau. 1. 3. 2) iti |
yattadvyācaṣṭe—

1.27

upalakṣaṇametat | tat tatra yathārhato yathāyogyaṃ brūyāta | tasyaiva vivaraṇam —ityahe etāvadahe dvyahe tryahe vā devāḥ vaḥ yuṣmadarthaṃ haviṣāṃ
paktāsmi tadāgacchateti | evameva anena prakāreṇa yad brūyāttadetad devebhyaḥ sutyāmeva prāheti |
nigadaśeṣaṃ pratīkenopādatte—

1.28

devā brahmāṇa āgacchatāgacchatāgacchata (lā. śrau. sū. 1.3.3) iti nigadaśeṣaḥ | he devāḥ he brahmāṇaḥ he brāhmaṇāḥ āgacchata | triruktirādarthā vā |
etad vyācaṣṭe—

1.29

devāḥ prasiddhā vasvādaya eva devāḥ | atha punaḥ ete ha vakṣyamāṇā eva manuṣyadevāḥ ye brāhmaṇāḥ parivṛḍhā iti kīrtyante iti śeṣaḥ| ke te manuṣyadevā ityata uktam—śuśruvāṃsaḥ [iti] | śrutavantaḥ arthavidaḥ anūcānāḥ sāṅgavedādhyāyino ye brāhmaṇāḥ te manuṣyadevāḥ |
kiṃ devānāṃ bhāgadheyaṃ kiṃca brāhmaṇānāṃ ya[d]dānena prīṇayituṃ tānubhayānāhvayatītyatrāha—

1.30

devānāṃ vasvādīnām āhutaya eva bhāgadheyam | manuṣyadevānāṃ brāhmaṇānāṃ dakṣiṇā gavā dirūpā bhāgadheyam | tasyaiva vivaraṇam - - hi yasmāt āhutibhiḥ devān prīṇāti prīṇayati yajamānaḥ | tathā manuṣyadevān śuśruṣuṣaḥ śrutavataḥ | śru śravaṇe ityasmāt kasuḥ | tadantasya dvitīyābahuvacane vasoḥ saṃprasāraṇe kṛte rūpam | anūcānān sāṅgavedādhyāyino brāhmaṇān dakṣiṇābhiḥ prīṇāti prīṇayati |
subrahmaṇyāśabdo devatāyā nāmadheyamuta mantrasyeti jijñāsāyāmubhayornāmadheyamityākhyāyikayā pratipādayituṃ prathamaṃ devatānāmadheyatvaṃ darśayitumupakramate—

Linked texts (1)

Ṣaḍviṃśabrāhmaṇa — Sanskrit