Ṣaḍviṃśa Brāhmaṇa ("26th" book) 1.p6

1.p6

tato viśvarūpāgānam | tato brahmakartavyam | tato vyāhṛtihomādikaṃ naimittikaṃ prāyaścittam | tataḥ saumyacaruvidhiḥ | tato bahiṣpavamānadharmāḥ | tataḥ kiṃcit prakīrṇakam | tato hotrādyupahvahāḥ | tataḥ ārtvijyeṣu ṛtvigādivijñeyam | tato naimittikā homāḥ | atha ṛtvigvaraṇapraśaṃsā | tato devayajane vijñeyaṃ karma | tato'vabhṛthaḥ | tato'bhicārādisaṃśritā viṣṭutayaḥ | tato dvādaśāhādistutiḥ | tataḥ śyenādividhiḥ | tato vaiśvadevaṃ satantram | tato'gnihotrapraśaṃsā | tata audumbarīvidhiḥ | tato yūpavidhiḥ | atha saṃdhyāvidhiḥ | tataḥ somotpattiḥ | tataḥ svāhālakṣaṇam | tato'dbhutaśāntiḥ sāmānyaviśeṣabhāvena dvividhā | ityevaṃ pratipādyamānānāmarthānāmanukramaṇikā || tatra prathamaṃ tāvadutkare tiṣṭhan subrahmaṇyo nāma ṛtvik subrahmaṇyāmāhvayatīti vivakṣayā idamāmnāyate—