Samavedabrahmananyashtau 14
Sāmavedabrāhmaṇānyaṣṭau 14
- Language
- Sanskrit
14.1
aṣṭamaḥ khaṇḍaḥ
eṣa eva vyūhaḥ saptaikamadhyā
14.2
brahmaṇo vā āyatanaṃ
prathamā kṣatrasya madhyamā viṃśa uttamā, yatprathamā bhūyiṣṭhā bhājayati
brahmaṇyeva tadojovīryyandadhāti brahmaṇa eva tat kṣatraśca viśaścānuge
karoti kṣatrasyevāsya prakāśo bhavati ya etayā stute
14.3
tāmetāntrikharvvā upāsate tasmātte sparddhamānā na vlīyante
14.1-2
navamaḥ khaṇḍaḥ
saptabhyo hiṅkaroti sa tisṛbhissa tisṛbhissa ekayā, tisṛbhyo
hiṅkaroti sa parācībhissaptabhyo hiṅkaroti sa ekayā sa tisṛbhissa
tisṛbhissaptāsthitā
14.2-2
bhrātṛvyayām̐stuvīta yathā saptāsthitena
matyena samīkarotyevaṃ pāpmānaṃ bhrātṛvyaṃ prarujati
14.3-2
etāmeva
bahubhyo yajamānebhyaḥ kuryyādyaḥ prathamo hiṅkāraḥ sa prathamāyā yattām̐
saptabhyo hiṅkaroti tena sā sapta bhajate yatsaptaiva madhye sampadyante
tena sā sapta bhajate ya uttamo hiṅkāraḥ sa uttamāyā yattām̐ saptabhyo
hiṅkaroti tena sā sapta bhajate sarvvānevainān samāvadvrājaḥ karoti
nānyonyamapaghnate sarve samāvadindriyā bhavanti
14.4
tāmetāmābhipratāriṇa upāsate tasmātta ojiṣṭhāsvānām
14.1-3
daśamaḥ khaṇḍaḥ:
eṣa eva vyūha ubhayassaptaikamadhyā nirmadhyā
14.2-3
ānujāvarastuvītāloko vā eṣa yadānujāvaro yat saptaprathamāssaptottamāstisro madhye tryakṣaraḥ puruṣo lokamevāsmai
tanmadhyataḥ karoti tasmim̐lloke pratitiṣṭhati
14.3-3
etāmeva
prajākāmāya kurghyānmadhyato vā eṣa sam̐rūḍho yaḥ prajātra vindate
lokamaivāsmai taṃ madhyataḥ karoti taṃ lokaṃ prajayā ca paśubhiścānuprajāyate
14.4-2
etāmevāparuddharājanyāya kuryāādviḍvai saptadaśastasyā
rājā garbho viśa eva tadrājānannirhantyapāvagato rudhyateva
gacchatyaparuddhaḥ
14.5
etāmevābhicaryamāṇāya kuryātprajāpatirvai
saptadaśaḥ prajāpatimeva madhyataḥ praviśastṛtyai
Linked texts (1)
- Pañcaviṃśabrāhmaṇa — Sanskrit