Samavedabrahmananyashtau 160
Sāmavedabrāhmaṇānyaṣṭau 160
- Language
- Sanskrit
160.1
ṣaṣṭhaḥ khaṇḍaḥ
trivṛdagniṣṭomastasya vāyavyā svagniṣṭomasāma
160.2
brahmavarccasakāmo yajeta
160.3
tejo vai trivṛd brahmavarccasaṃ yadvāyavyāsvagniṣṭomasāma bhavatyupaivainaṃ tadgamati
160.4
yathā hiraṇyaṃ
niṣṭapedevamenamagniṣṭunniṣṭapati
160.1-2
saptamaḥ khaṇḍaḥ
etasyaiva revatīṣu vāravantīyamagniṣṭomasāma kṛtvā paśukāmo
yajeta
160.2-2
jaratkakṣo vā eṣa yo'paśuryathā vai jaratkakṣe paśavo
na ramanta evametasmin paśavo na ramante yo'paśuryadā vai
jaratkakṣamagnirddahatyathainamabhivarṣatyathāsminnoṣadhayo jāyante'tha vai tasmin
paśavo ramante
160.3-2
ramante'smin paśavo ya evaṃ veda
160.4-2
yadevāsyāpaśavyaṃ tadagniṣṭunnirdahati yadagniṣṭunnirdahati tadvīrevatībhiḥ
śamayati
160.1-3
aṣṭamaḥ khaṇḍaḥ
jyotiṣṭomenāgniṣṭutā yajña vibhraṣṭo yajeta
160.2-3
yasmin vā
yajñakratau vibhraṃśeta
160.3-3
agnirvā etasya havyamatti yo yajñe
vibhraṃśate na devatā havyaṃ gamayatyagnimevaikadharghoti
160.4-3
yadvai
saṃśīryyate'thānyanniṣkurvanti na tena tadyāti yadā vāva tanniṣkurvantyatha
tadyāti yeṣveva stomeṣu vibhraṃśate yasmin yajñakratau taireva yajeta
yeśveva stomeṣu vibhraṃśate yasmin yajñakratau teśveva pratitiṣṭhati
160.1-4
navama: khaṇḍaḥ
saptadaśenāgniṣṭutānnādyakāmo yajeta
160.2-4
annaṃ vai
saptadaśo'gnirannādyasya pradātāgnirevāsmā annādyaṃ prayacchati
160.3-4
annādo bhavati ya evaṃ veda
160.4-4
sarvaḥ saptadaśo bhavati
prajāpatirvai saptadaśaḥ prajāpatimevāpnoti
160.1-5
daśama: khaṇḍa:
trivṛdagniṣṭomastasyāniruktaṃ prātaḥsavanam
160.2-5
prajāpatiḥ prajā
asṛjata tā asmātsṛṣṭā apākrāman sa etadaniruktaṃ prātaḥ
savanamapaśyattenāsāṃ madhyaṃ vyavaittā enamupāvarttanta paryyenamāviśan
160.3-5
grāmakāmo yajeta yadetadaniruktaṃ prātaḥsavanaṃ bhavati madhyamevāsāṃ
vyavaityupainamāvarttante paryyenaṃ viśanti
160.4-5
sa eṣa prajāpaterapūrvonāsmāt pūrvo bhavati ya evaṃ veda
160.1-6
ekādaśa: khaṇḍa:
trivṛdagniṣṭomaḥ
160.2-6
tasya prātaḥsavane sanneṣu nārāśaṃseṣvekādaśadakṣiṇāvyādiśatyaścadvādaśā mādhyandine tā ubhayorapākarotyekādaśa
tṛtīya savane tā vaśāyāmapākaroti
160.3-6
trayastriṃśaddevatā dakṣiṇā
bhavanti trayastriṃśaddevatā devatā evāpnotyaścaścatustriṃśo dakṣiṇānāṃ
prajāpatiścatustriṃśo devatānāṃ prajāpatimevāpnoti
160.4-6
sa eṣa
bṛhaspatiḥ savo bṛhaspatirakāmayata devānāṃ purodhāṃ gaccheyamiti sa
etenāyajata sa devānāṃ purodhāmagacchat
160.5
gacchati purodhāṃ ya
evaṃ veda
160.6
sa eṣa sthapatiḥ savo yaḥsthāpatyāyābhiṣiñceran sa
etena yajeta
160.7
gacchati sthapatyaṃ ya evaṃ veda
160.8
kṛṣṇājine'bhiṣicyata etad vai pratyakṣaṃ brahmavarcasaṃ brahmavarcasa
evābhiṣicyate
160.9
ājyenābhiṣicyate teja ājyaṃ teja
ātmandhatte