Samavedabrahmananyashtau 219
Sāmavedabrāhmaṇānyaṣṭau 219
- Language
- Sanskrit
219.1
saptama: khaṇḍa:
abhyāsaṃgyaḥ pañcāho'tha trayastrim̐śamahastasya catustrim̐śo'gniṣṭomaḥ saptadaśaṃ mahāvratamatirātrastasya caturvim̐śaṃ bahiṣpavamānaṃ
trivṛcchiraḥ pañcadaśau pakṣau saptadaśa ātmaikaviṃśaṃ puccham
219.2
etena vai jamadagniḥ sarvān poṣānapuṣyatsarvāṃnevaitena poṣānuṣyati
219.3
yadabhyā saṃgyaḥ pañcāhaḥ purastādbhavati santatyā eva
219.4
athaita
trayastriṃśamahastriṃśadevatā devatā evāpnoti
219.5
tasya catustriṃśo'gniṣṭomaḥ prajāpatiścatustriṃśo devatānāṃ prajāpatimevāpnoti
219.6
caturviṃśaṃ bahiṣpavamānaṃ bhavati mahāvratasya caturviṃśatyakṣarā gāyatrī
prajananaṃ gāyatrī prajātyai
219.7
ubhaye stomā yugmantaścāyujaśca
tanmithunaṃ tasmān mithunāt prajāyate
219.8
yattrivṛcchiro bhavati
nava prāṇāḥ prāṇeṣveva pratitiṣṭhati yat pañcadaśau pakṣau
savīvadhatvāya saptadaśa ātmā bhavati prajāpatirvai saptadaśaḥ
prajāpatimevāpnotyekaviṃśa pucchaṃ bhavati pratiṣṭhityai
Linked texts (2)
- Ārṣeyakalpa (another edition) — Sanskrit
- Pañcaviṃśabrāhmaṇa — Sanskrit