Samavedabrahmananyashtau 248
Sāmavedabrāhmaṇānyaṣṭau 248
- Language
- Sanskrit
248.1
atirātraścaturviṃśaṃ prāyaṇīyamahardvau trivṛtpañcadaśau ṣaḍahau pṛṣṭhyaḥ
ṣaḍahau dvau trivṛtpañcadaśau ṣaḍahau sa māsaḥ sa dvitīyaḥ sa tṛtīyaḥ
sa caturthaḥ sa pañcamastrayastrivṛtpañcadaśāḥ ṣaḍahāḥ pṛṣṭhyaḥ
ṣaḍahastrivṛdbṛhaspatistomastrayaḥ svarasāmānodivākīrtyamahastrayaḥ
svarasāmānaḥ pañcadaśa indrastoma ukthyaḥ pṛṣṭhyaḥ
ṣaḍahastrayastriṃśārambhaṇa ekaḥ pañcadaśastrivṛt ṣaḍaho, dvādaśāhasya
daśāhāni vyūḍhā agniṣṭomāstrivṛta uddhicca balabhicca dve ahanī
dvau pañcadaśastrivṛtau ṣaḍahau pṛṣṭhyaḥ ṣaḍahau dvau pañcadaśastrivṛtau
ṣaḍahau sa māsaḥ sa dvitīyaḥ sa tṛtīyaḥ sa caturthaḥ pañcadaśastrivṛtṣaḍahaḥ
pṛṣṭhyaḥ ṣaḍahaḥ pañcadaśastrivṛtṣaḍahogauścāyuśca dve ahanīcchandomadaśāho'ṣṭācatvāriṃśaṃ prathamamaharathacatuścatvāriṃśaṃ catvāriṃśaṃ
ṣaṭtriṃśaṃ dvātriṃśaṃ triṃśaṃ dve aṣṭāviṃśe pañcaviṃśaṃ
caturviṃśammahāvratañcātirātraśca
248.2
ādityānāṃ madhye pṛṣṭhyam
248.3
madhye pṛṣṭhena vā ādityā: svargaṃ lokamākramanta yanmadhye pṛṣṭhānyupayanti
svargasya lokasyākrāntyai
248.4
annaṃ vai pṛṣṭhānyannameva tanmadhyatodhīyate tasmānmadhye sadannaṃ dhinoti
248.5
paśavaḥ pṛṣṭhāni paśuṣveva
pratitiṣṭhanti
248.6
cakre vā ete sākaṃ vṛtīyat trivṛt pañcadaśau
stomau yaṃ kāmaṃ kāmayante tametenābhyaśnuvate yatra yatra hi cakrīvatā
kāmayate tattadabhyaśnute
248.7
athaiṣa trivṛdbṛhaspatistoma etena vai
bṛhaspatirdevānāṃ purodhāmagacchat purodhākāmānupeyurgacchanti purodhāṃ
pura etāndadhate
248.8
athaite svarasāmānaḥ śirovai divākīrtyaṃ prāṇāḥ
svarasāmānoyadivākīrtyamabhitaḥ svarasāmāno bhavanti śirasyeva
tatprāṇādhīyante
248.9
athaiṣa pañcadaśa indrastoma ukthya etena vā
indro'tyanyādevatā abhavadatyanyāḥ prajābhavanti ya eta dupayanti
248.10
athaitāni dvādaśāhasya daśāhāni vyūḍhā agniṣṭomāstrivṛto
madhyataḥ pāpmano mucyanta eṣa vāva devatalpo devatalpameva tadārohanti
talpyā bhavanti pravasīyasastalpamāpnuvanti
248.11
athaitā
vṛdbhidbalabhidāvetābhyāṃ vai bṛhaspatirdevebhyaḥ paśūnudasṛjatpaśūnevaitābhyāmutsṛjante
248.12
athaite go āyuṣī mithunau stomāvupayanti
prajātyai
248.13
athaiṣa chandomadaśāhaśchandasāṃ doho'rvāñcicchandāṃsyupayanti tasmādarvāñcobhuñjataḥ paśava upatiṣṭhante
248.14
athaitadvratamannaṃ vai vratamannaṃ vā anyatra mukhādannandhinoti
yadupiṣṭādvratamupayanti mukhata eva tadannādyandhīyate tasmānmukhe
sadannandhinoti
248.15
athaitau prāyaṇīyodayanīyāvatirātrau yenaiva
prāṇena prayanti tamabhyudyanti
Linked texts (3)
- Ārṣeyakalpa (another edition) — Sanskrit
- Āpastambaśrautasūtra — Āpastamba, Sanskrit
- Pañcaviṃśabrāhmaṇa — Sanskrit