Pramāṇa · Search · About · API

Samavedabrahmananyashtau 305

Sāmavedabrāhmaṇānyaṣṭau 305

Language
Sanskrit

305.1

ekādaśaḥ khaṇḍaḥ
atha hainaṃ gārhapatyo'nuśaśāsa pṛthivyagnirannamāditya iti| ya
eṣa āditye puruṣo dṛśyate so'hamasmi sa evāhamasmīti

305.2

sa ya
etamevaṃ vidvānupāste'pahate pāpakṛtyāṃ lokī bhavati sarvamāyureti
jyogjīvati nāsyāvarapuruṣāḥ kṣīyanta upa vayaṃ taṃ bhuñjāmo'smim̐śca
loke'muṣmim̐śca ya etamevaṃ vidvānupāste

305.1-2

dvādaśaḥ khaṇḍaḥ
atha hainamanvāhāryapacano'śaśāsāpo diśo nakṣatrāṇi candramā
iti| ya eṣa candramasi puruṣo dṛśyate so'hamasmi sa
evāhamasmīti

305.2-2

sa ya etamevaṃ vidvānupāste'pahate pāpakṛtyāṃ
lokī bhavati sarvamāyureti jyogjīvati nāsyāvarapuruṣāḥ kṣīyanta
upa vayaṃ taṃ bhuñjāmo'smim̐śca loke'muṣmim̐śca ya etamevaṃ
vidvānupāste

305.1-3

trayodaśaḥ khaṇḍaḥ
atha hainamāhavanīyo'nuśaśāsa prāṇa ākāśo dyaurvidyuditi
ya eṣa vidyuti puruṣo dṛśyate so'hamasmi sa evāhamasmīti

305.2-3

sa
ya etamevaṃ vidvānupāste'pahate pāpakṛtyāṃ lokī bhavati sarvamāyureti
jyogjīvati nāsyāvarapuruṣāḥkṣīyanta upa vayaṃ taṃ bhuñjāmo'smim̐śca
loke'muṣmim̐śca ya etamevaṃ vidvānupāste

305.1-4

caturdaśaḥ khaṇḍaḥ
te hocurupakosalaiṣā somya te'smādvidyātmavidyācācāryastu te
gatiṃ vaktetyājagāma hāsyācāryastamācāryo'bhyuvādopakosala 3
iti

305.2-4

bhagava iti ha pratiśuśrāva brahmavida iva somya te mukhaṃ
bhāti ko nu tvānuśaśāseti ko nu mā'nuśiṣyāddho itīhāpeva
nihnuta ime nūnamīdṛśā anyādṛśā itīhāgnīnabhyūde kiṃ nu somya
kila te'vocanniti

305.3

idamiti ha pratijajñe lokānvāva kila
somya te'vocannahaṃ tu te tadvakṣyāmi yathā puṣkara palāśa āpo na
śliṣyanta evamevaṃvidi pāpaṃ karma na śliṣyata iti bravītu me
bhagavāniti tasmai hovāca

305.1-5

pañcadaśaḥ khaṇḍaḥ
ya eṣo'kṣiṇi puruṣo dṛśyata eṣa ātmeti hovācaitadamṛtamabhayametadbrahmeti| tadyadyapyasminsarpirvodakaṃ vā siñcati vartmanī eva
gacchati

305.2-5

etaḥsaṃyadvāma ityācakṣata etaḥhi sarvāṇi
vāmānyabhisaṃyanti sarvāṇyenaṃ vāmānyabhisaṃyanti ya evaṃ veda

305.3-2

eṣa u eva vāmanīreṣa hi sarvāṇi vāmāni nayati sarvāṇi vāmāni
nayati ya evaṃ veda

305.4

eṣa u eva bhāmanīreṣa hi sarveṣu lokeṣu
bhāti sarveṣu lokeṣu bhāti ya evaṃ veda

305.5

atha yadu caivāsmiñchavyaṃ
kurvanti yadi ca nārciṣamevābhisaṃbhavantyarciṣo'harahna āpūryamāṇapakṣamāpūryamāṇapakṣādyānṣaḍudaṅṅeti māsāṃstānmāsebhyaḥ
saṃvatsaraḥsaṃvatsarādādityamādityāccandramasaṃ candramaso vidyutaṃ
tatpuruṣo'mānavaḥ sa enānbrahma gamayatyeṣa devapatho brahmapatha etena
pratipadyamānā imaṃ mānavamāvartaṃ nāvartante nāvartante

Linked texts (12)