Samavedasya Brahmananyashtau 2
Sāmavedasya Brāhmaṇānyaṣṭau 2
- Language
- Sanskrit
2.1
dvitīyaḥ khaṇḍaḥ
1. athātastrīn kṛcchrān vyākhyāsyāmaḥ
2.2
2. haviṣyān prātarāśān bhuktvā tisro
rātrīrnāśnīyāt
3. athāparaṃ tryahaṃ naktaṃ bhuñjīta
4. athāparaṃ tryahaṃ na kaṃcana yāceta
5. athāparaṃ tryahamupavaset
6. tiṣṭhedahani rātrāvāsīta kṣiprakāmaḥ
7. satyaṃ vadet | anāryairna saṃbhāṣeta
rauravayaudhājaye nityaṃ prayuñjīta | anusavanamudakopasparśanamāpohiṣṭhīyābhiḥ
athodakatarpaṇam | namo'hamāya mohamāya maṃhamāya
dhūnṛvate tāpasāya punarvasave namo namaḥ | mauñjyāyaurmyāya
saumyāya śamyāya śivāya namo namaḥ | pārāya supārāya
mahāpārāya pāradāya pāravindāya namo namaḥ | puruṣāya
supuruṣāya mahāpuruṣāya madhyamapuruṣāyottamapuruṣāya brahmacāriṇe
namo namaḥ | iti | etadevādanyopasthānam | etā
evājyāhutayaḥ | dvādaśarātrasyānte sthālīpāka śrapayitvaitābhyo devatābhyo juhuyāt | agnaye svāhā | somāya svāhā
agnīṣomābhyāmindrāgnibhyāmindrāya viśvebhyo devebhyo brahmaṇe
prajāpataye'gnaye sviṣṭakṛta iti | atho brāhmaṇatarpaṇam
2.3
8. etenaivātikṛcchro vyākhyātaḥ
9. yāvat sakṛdādadīta tāvadaśnīyāt
2.4
10. abbhakṣastṛtīyaḥ sa kṛcchrātikṛcchraḥ
2.5
11. prathamaṃ caritvā śuciḥ pūtaḥ karmaṇyo
bhavati | dvitīyaṃ caritvā yatkiṃcidanyanmahāpātakebhyaḥ pāpaṃ 10
kurute tasmāt pramucyate | tṛtīyaṃ caritvā sarvasmādenaso
mucyate
2.6
12. athaitāᳵstrīn kṛcchrāᳵścaritvā sarveṣu vedeṣu
snāto bhavati | sarveṣu deveṣu jñāto bhavati | yaścaivaṃ veda yaścaivaṃ
veda
Linked texts (2)
- Sāmavidhānabrāhmaṇa — Sanskrit
- Sāmavidhi — Sanskrit