Samavidhi 10.3-3

10.3-3

4. pradakṣiṇaṃ pratidiśaṃ rajjvā yacchet | avāntaradeśeṣu
ca | yatrābhisameyustatropalimpet | rajjuvanteṣu ca śamīpalāśaśrīparṇīnāṃ patrairvāstūpakiret | akṣataiśca sumanobhiśca | pūrvaiḥ
proṣṭhapadairgṛhe'gniṃ pratiṣṭhāpya dhānāvantaṃ karambhiṇamityetadgītvā
pāyasamagnau juhuyāt | pareṣāṃ ca palāśaparṇamadhyameṣu
balyupahāraḥ prajāpataye svāheti madhya upaharedindrāyeti
purastādvāyava ityavāntaradeśe yamāyeti dakṣiṇataḥ pitṛbhya
ityavāntaradeśe varuṇāyeti paścānmahārājāyetyavāntaradeśe
somāyetyuttarato mahendrāyetyavāntaradeśe vāsukaya ityadhastādūrdhvaṃ namo brahmaṇa iti divi bahupaśudhanadhānyarhiraṇyamāyuṣmatpuruṣaṃ vīrasūsubhagāvidhavastrīka śivaṃ puṇyaṃ vāstu
bhavati | caturrṣu māseṣu prayogaḥ | saṃvatsare vā punaḥ prayogaḥ
punaḥ prayogaḥ