Taittiriyabrahmana 42.17

42.17

tvatprāptimārgosi, asmākaṃ tvatprāptihetutvāt | tvayaiva hetunā vayaṃ pṛṣṭhaṃ svargaṃ āruhema, karmanirvṛttihetutvāt | atha evaṃ tvayā saṃpādite vayaṃ devaiḥ sadhamādaṃ sahamadaṃ madema ||
^16uduttamamiti gāyatrī || uduttamaṃ pāśaṃ mumugdhi ūrdhvaṃ mocaya | madhyamaṃ pāśaṃ vicṛta viśliṣya chindhi | adhamāni adhassthānāni avacṛta avamumugdhi avāgākṛṣya nāśaya | jīvase jīvanāya ||
^17he ! soma ! tava vrate karmaṇi vartamānā vayaṃ atraiva tanūṣu śarīreṣu mano bibhrataḥ visrabdhāṃ smṛtiṃ dhārayantaḥ aśīmahi vyāpnuvāma, tatphalatvāt | aśnoteśchāndasaśśapo luk ||
^18indrāṇīti triṣṭubhau || 'indrāṇyai carum' ityatra vikalpaḥ upahomo vā | indrāṇī indrasya patnī devī krīḍanādiśīlā subhagā suśīlā suśrīḥ supatnī śobhanapatikā | 'vibhāṣā supūrvasya' iti ṅīnnakārau | ubhayatrāpyudāttatvam | asyāḥ ko viśeṣa ityāha—eṣā hi aṃśena ekadeśena upasthena saubhāgyaika-
deśena vā patividye patilābhe ujjagāya | chāndasaḥ kyap | ucchritā babhūva | tatkathamityāha-triṃśadyojanāni asyā jaghanaṃ yoniparīṇāhaḥ ratikole | ataḥ sthaviraṃ sarvairguṇaiḥ parivṛḍhaṃ indraṃ ratikole upasthe bibharti utsaṅge gṛhṇāti | tato jñāyate-aṃśamātreṇaiva patividye ujjayaṃ labhata iti ||
<sup 19</sup senā heti || senā balavatī seśvarā vā | ha nāma prasiddhau | pṛthivī vistīrṇā | dhanaṃjayā dhanānāṃ netrī ‘saṃjñāyāṃ bhṛtṛvṛji’ iti khaś | viśvavyacā viśvaṃ vyāpya vartamānā ‘gatikārakayorapi’ ityasun | aditiḥ akhaṇḍanīyā sūryatvacā vartamānā dīptimatītyarthaḥ | īdṛśī indrāṇī devī prāsahā prasahanena saheḥ kvipi ‘nahi vṛti’ iti dīrghatvam | ādadānā śatrudhanāni asmadarthamāharantī sā devī asmabhyaṃ sukhaṃ yacchatu dadātu | suhavā sukhenāhvātavyā ‘bahuḷaṃ chandasi’ iti saṃprasāraṇam | śobhanāhvānā vā | ‘dvyacaśchandasi’ ityuttarapadādyudāttatvam | āhvānaprayojanasya sadya eva karaṇe śobhanatvam ||
<sup 20</sup ataḥ paraṃ rājābhiṣeke viniyojyāḥ pañcāpyanuṣṭubhaḥ-ā tvā'hārṣamiti || vyākhyātā ‘viṣṇoḥ kramosi’ ityatra | purohito