Taittiriyabrahmana 42.4

42.4

11tvāmagne ityanuṣṭup || tataḥ paraṃ kvacidupahomāḥ | devaṃ dīpyamānaṃ haviṣmantaḥ martāsaḥ manuṣyāḥ īḍate stuvanti, taṃ tvāmahaṃ jātavedasaṃ jātānāṃ veditāraṃ jātadhanaṃ vā manye jānāmi | sa tvamasmākaṃ .havyā havīṃṣi vakṣi | vaherleṭi śapo luk | ānuṣaka anukrameṇa || 12viśvāni na iti || he! jātavedaḥ! . naḥ asmadīyāni durgahā duṣpariharāṇi viśvāni duritāni pāpāni atiparṣi atītya pālaya | tatra dṛṣṭāntaḥ—yathā nāvā sindhuṃ tīrtvā nāvikaḥ prajāḥ pālayati | kiñca atriṇā tulyamasmākaṃ manasā gṛṇānaḥ śraddhayā kīrtyamānaḥ stūyamānaḥ | karmaṇi kartṛpratyayaśchāndasaḥ| yadvā–manasā gṛṇānaḥ śabdayan sādhu karotyayamiti asmadyāgaṃ hṛdayena praśaṃsan asmākaṃ tanūnāṃ śarīrāṇāṃ putrādisaṃbandhinīnāṃ avitā rakṣitā bhava | atrivat bodhi budhyasva | loṭi chāndasaḥ śapo luk | yadvā—atryādivat abodhi ādriyate | chāndaso luk | ‘dīpajana’ ityādinā kartari ciṇ | 'bahuḷaṃ chandasyamāṅyoge'pi' ityaḍabhāvaḥ ||