Taittiriyabrahmana 46.18

46.18

³tṛtīyāmāha-he devāḥ! yo bhagākhyo devaḥ sa eva bhagavān saubhāgyavānastu | tena devena vayaṃ sarve bhagavantaḥ saubhāgyayuktāḥ syāma | he bhaga! tādṛśaṃ tvāṃ sarva iti sarva eva johavīmi āhvayāmatiyarthaḥ | he bhaga! deva! iha karmaṇi no'smākaṃ puraetā purato gantā bhava || ⁴caturthīmāha-he praṇetaḥ! prakarṣeṇa netuṃ kuśala! he bhaga! deva asmānkarmaṇi praṇayeti śeṣaḥ | he satyarādhaḥ! satyadhana! bhagadeva! asmabhyaṃ dhanaṃ dehīti śeṣaḥ | he bhaga! no'smabhyamimāṃ dhiyaṃ dadat karmānuṣṭhānabuddhiṃ prayacchan udava utkarṣeṇa rakṣa | he bhagadeva! no'smān gobhiraśvaiḥ prajanaya tadyuktānkurvityarthaḥ | he bhaga! tvatprasādādvayaṃ nṛbhiḥ puruṣairnṛvantaḥ puruṣavantaḥ syāma | etaddvayaṃ 'bhāgāya caruṃ vāvātāyai gṛhe' ityasminkarmaṇi draṣṭavyam || ⁵pañcamīmāha-lokāḥ sarve prāṇinaḥ śaśvatīḥ śāśvatīḥ samā nirantaravartinaḥ saṃvatsarān upayanti prāpnuvanti | ekasmin saṃva-