Taittiriyabrahmana 1.4.10.10
Taittirīyabrāhmaṇa 1.4.10.10
- Language
- Sanskrit
1.4.10.10
vāyór evá sā́yujyam úpaiti /
brahmavādíno vadanti /
prá cāturmāsyayājī́ mīyatā́3 ná prámīyatā́3 íti /
jī́van vā́ eṣá ṛtū́n ápyeti /
yádi vasántā pramī́yate /
vasantó bhavati /
yádi grīṣmé grīṣmáḥ /
yádi varṣā́su varṣā́ḥ /
yádi śarádi śarát /
yádi héman hemantáḥ /
ṛtúr bhūtvā́ saṃvatsarám ápyeti /
saṃvatsaraḥ prajā́patiḥ /
prajā́patir vā́váiṣáḥ //