Taittiriyabrahmana 1.5.8
Taittirīyabrāhmaṇa 1.5.8
- Language
- Sanskrit
1.5.8.1
índro dadhīcó asthábhiḥ /
vṛtrā́ṇy ápratiṣkutaḥ /
jaghā́na navatī́r náva /
icchánn áśvasya yát_śíraḥ /
párvateṣv ápaśritam /
tád vidat_śaryaṇā́vati /
átra_ā́ha górám anvata /
nā́ma tváṣṭur apīcyàm /
itthā́ candrámaso gṛhé /
índram íd gāthíno bṛhát //
1.5.8.2
indram arkébhir arkíṇaḥ /
indraṃ vā́ṇīr anūṣata /
índra íd_ háryoḥ sácā /
sáṃmiśla ā́ vacoyújā /
índro vajrī́ hiraṇyáyaḥ /
índro dīrghā́ya cákṣase /
ā́ sū́ryam̐ rohayad diví /
ví góbhir ádrimair ayat /
índra vā́jeṣu no ava /
sahásrapradhaneṣu ca //
1.5.8.3
ugrá ugrā́bhir ūtíbhiḥ /
tám índraṃ vājayāmasi /
mahé vṛtrā́ya hántave /
sá vṛ́ṣā vṛṣabhó bhuvat /
índraḥ sá dā́mane kṛtáḥ /
ójiṣṭhaḥ sá bále hitáḥ /
dyumnī́ ślokī́ sá saumyàḥ /
girā́ vájro ná sáṃbhṛtaḥ /
sábalo ánapacyutaḥ /
vavakṣúr ugró ástṛtaḥ //
Commentaries (4)
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Linked texts (5)
- A Vedic Concordance — Maurice Bloomfield, English
- History of Dharmaśāstra (Ancient and Mediaeval Religious and Civil Law in India) — P. V. Kane, English
- Die Hymnen des Rigveda, Bd. I: Metrische und textgeschichtliche Prolegomena — Hermann Oldenberg, German
- Udakaśānti — Baudhāyana, Sanskrit
- Udakaśāntimantra — Sanskrit