Taittiriyabrahmana 1.8.10
Taittirīyabrāhmaṇa 1.8.10
- Language
- Sanskrit
1.8.10.1
ápratiṣṭhito vā́ eṣá íty āhuḥ /
yó rājasúyena yájata íti /
yadā́ vā́ eṣá eténa dvirātréṇa yájate /
átha pratiṣṭhā́ /
átha saṃvatsarám āpnoti /
yā́vanti saṃvatsarásya_ahorātrā́ṇi /
tā́vatīr etásya stotrī́yāḥ /
ahorātréṣv evá prátitiṣṭhati /
agniṣṭomáḥ pū́rvam áhar bhavati /
atirātrá úttaram //
1.8.10.2
nā́nā_evá_ahorātráyoḥ prátitiṣṭhati /
paurṇamāsyā́ṃ pū́rvam áhar bhavati /
vyàṣṭakāyām úttaram /
nā́nā_evá_ardhamāsáyoḥ prátitiṣṭhai /
amāvāsyā̀yāṃ pū́rvam áhar bhavati /
úddṛṣṭa úttaram /
nā́nā_evá mā́sayoḥ prátitiṣṭhati /
átho khálu /
yé evá samānapakṣé puṇyāhé syā́tām /
táyoḥ kāryàṃ prátiṣṭhityai //
1.8.10.3
apaśavyó dvirātrá íty āhuḥ /
dvé hy èté chándasī /
gāyatráṃ ca tráiṣṭubhaṃ ca /
jágatīm antáryanti /
ná téna jágatī kṛtā́_íty āhuḥ /
yád enāṃ tṛtīyasavané kurvánti_íti /
yadā́ vā́ eṣā́_ahī́nasya_áhar bhájate /
sa_ahnásya vā sávanam /
áthaivá jágatī kṛtā́ /
átha paśavyàḥ /
vyùṣṭir vā́ eṣá dvirātráḥ /
yá eváṃ vidvā́n dvirātréṇa yájate /
vy èvā́smā ucchati /
átho táma evá_apahate /
agniṣṭomám antatá ā́harati /
agníḥ sárvā devátāḥ /
devátāsv evá prátitiṣṭhati //
Commentaries (5)
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
- Taittirīyabrāhmaṇaṭīkā — Sanskrit
- Yajurbrahmaṇabhāṣya — Sāyaṇācārya, Sanskrit
Linked texts (2)
- Pañcaviṃśabrāhmaṇa — Sanskrit
- Sāmavedabrāhmaṇānyaṣṭau — Sanskrit