Taittiriyabrahmana 1.8.4
Taittirīyabrāhmaṇa 1.8.4
- Language
- Sanskrit
1.8.4.1
āgneyám aṣṭā́kapālaṃ nírvapati /
tásmāt_śíśire kurupañcālā́ḥ prāñco yānti /
saumyáṃ carúm /
tásmād vasantáṃ vyavasā́ya_ādayanti /
sāvitráṃ dvā́daśakapālam /
tásmāt purástād yávānām̐ savitrā́ vírundhate /
bārhaspatyáṃ carúm /
savitrā́_evá virúdhya /
bráhmaṇā yávān ā́dadhate /
tvāṣṭrám aṣṭā́kapālam //
1.8.4.2
rūpā́ṇy evá téna kurvate /
vaiśvānaráṃ dvā́daśakapālam /
tásmāj jaghanyè náidāghe pratyáñcaḥ kurupañcālā́ yānti /
sārasvatáṃ carúṃ nírvapati /
tásmāt prāvṛ́ṣi sárvā vā́co vadanti /
pauṣṇéna vyávasyanti /
maitréṇa kṛṣante /
vāruṇéna vídhṛtā āsate /
kṣaitrapatyéna pācayante /
ādityéna_ā́dadhate //
1.8.4.3
māsí_māsy etā́ni havī́m̐ṣi nirúpyāṇi_íty āhuḥ /
ténaivá_ṛtū́n práyuṅkta íti /
átho khálv āhuḥ /
káḥ saṃvatsaráṃ jīviṣyati_íti /
ṣáḍ evá pūrvedyúr nirúpyāṇi /
ṣáḍ uttaredyúḥ /
ténaivá_ṛtū́n práyuṅkte /
dákṣiṇo rathavāhanavāháḥ pū́rveṣāṃ dákṣiṇā /
úttara úttareṣām /
saṃvatsarásya_evá_ántau yunakti /
suvargásya lokásya sámaṣṭyai //
Commentaries (4)
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
Linked texts (6)
- History of Dharmaśāstra (Ancient and Mediaeval Religious and Civil Law in India) — P. V. Kane, English
- Buddha: His Life, his Doctrine, his Order — Hermann Oldenberg & William Hoey, English
- Vedic Index of Names and Subjects — Arthur A. Macdonell & A. Berriedale Keith, English
- The Religion and Philosophy of the Veda and Upanishads — Arthur Berriedale Keith, English
- Historical Geography of Ancient India — Bimala Churn Law, English
- The Inner Conflict of Tradition: Essays in Indian Ritual, Kingship, and Society — J. C. Heesterman, English