Taittiriyabrahmana 1.8.9.1
Taittirīyabrāhmaṇa 1.8.9.1
- Language
- Sanskrit
1.8.9.1
iyáṃ vái rajatā́ /
asáu háriṇī /
yád rukmáu bhávataḥ /
ābhyā́m eváinam ubhayátaḥ párigṛhṇāti /
váruṇasya vā́ abhiṣicyámānasya_ā́paḥ /
indriyáṃ vīryàṃ níraghnan /
tát suvárṇam̐ híraṇyam abhavat /
yád rukkmám antardádhāti /
indriyásya vīryàsya_ánirghātāya /
śatámāno bhavati śatákṣaraḥ /
śatá_āyuḥ púruṣaḥ śatá_indriyaḥ /
ā́yuṣy evá_indriyé prátitiṣṭhati /
ā́yur vái híraṇyam /
āyuṣyā̀ eváinam abhyátikṣaranti /
téjo vái híraṇyam /
tejasyā̀ eváinam abhyátikṣaranti /
várco vái híraṇyam /
varcasyā̀ eváinam abhyátikṣaranti //
Commentaries (5)
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
- Taittirīyabrāhmaṇaṭīkā — Sanskrit
- Yajurbrahmaṇabhāṣya — Sāyaṇācārya, Sanskrit